Jue Mun 85:1-13
Ɔ ti jue tofuɛ’m be su kpɛn’n i liɛ. Kore i mma’m be jue-ɔ.+
85 Ee Zoova, a yoli ɔ mɛn’n i ye.+
A fali Zakɔbu i sran nga be trali be ɔli’n bali.+
2 A yacili ɔ sran’m be fɔnlɛ’n cɛli be.
A yacili be sa tɛ’n i kwlaa cɛli be.*+ (Sela)
3 A guali ɔ ya dan’n kwlaa i ase.
A yacili ɔ ya dan m’ɔ lo kɛ sin sa’n.+
4 Ee Ɲanmiɛn, wɔ mɔ a ti e defuɛ’n, yo maan e sin* e osu laa’n nun,yɛ e wun ya nga a fali’n, yaci cɛ e.+
5 ?Á fá e wun ya ble sa trilili?+
?Á fá e wun ya sa tititi?
6 ?A su manman e wunmiɛn ekun
naan ɔ dunman nun’n, ɔ sran’m be di aklunjɔɛ?+
7 Ee Zoova, kle kɛ a klo e dan,+yɛ de e.
8 Ń síe min su ń tíe ndɛ nga Ɲanmiɛn Kpli Zoova kan’n,afin ɔ́ wá kán fɔundi ndɛ klé i sran mun,+ ɔ́ kán klé i sran kpa mun,sanngɛ nán maan be sa be sin be lafi be wun su dan ekun.+
9 Be nga be sro i’n, be kwla ɲan delɛ i sa nun,+kɛ ɔ ko yo naan i aɲrunɲan’n w’a tran e mɛn’n nun’n ti.
10 Klolɛ dan’n nin nanwlɛ dilɛ’n bé yía.
Sa kpa yolɛ’n nin fɔundi’n bé tɔ́ be wiengu nun.*+
11 Nanwlɛ dilɛ’n fífí asiɛ’n su,yɛ kɛ sa kpa yolɛ’n wo ɲanmiɛn su lɔ’n ɔ́ nían ngua wa.+
12 Nanwlɛ, Zoova wá fá like ng’ɔ ti kpa’n* ɔ́ mán,+yɛ e asiɛ’n i su ninnge’m bé yó ye.+
13 Sa kpa yolɛ’n ɔ́ dún mmua i ɲrun,+yɛ ɔ́ yí atin kun naan i ja’m be sin su.
