Jue Mun 82:1-8
Azafu i jue-ɔ.+
82 Ɲanmiɛn w’a trɛn i sran’m be afiɛn,+ɔ o ɲanmiɛn’m* be afiɛn, ɔ di jɔlɛ:+
2 “?Cɛn onin ko yɛ amún yáci ndɛ kwlɛ bulɛ-ɔ?+
?Yɛ cɛn onin ko yɛ amún yáci klunwifuɛ’m be ndɛ fɛ manlɛ-ɔ?+ (Sela)
3 Maan amun kpli sran ng’ɔ leman wie’n, ɔ nin sran ng’ɔ leman si’n be ti.*+
Maan amun di sran m’ɔ leman ukafuɛ’n, ɔ nin sran m’ɔ leman like fi’n be ndɛ mun nanwlɛ su.+
4 Maan amun de sran m’ɔ leman wie’n, ɔ nin yalɛfuɛ’n.
Amun de be klunwifuɛ’m be sa nun.”
5 Be siman sa fi, yɛ be wunman sa fi wlɛ.+
Be wlan sa daan aosin’n nun.
Asiɛ’n i bo’n kwlaa kejeli.+
6 “N seli kɛ: ‘Amun ti ɲanmiɛn,*+
amun ti Ɲanmiɛn m’ɔ o Like Kwlaa Ti Su’n i mma mun.
7 Sanngɛ amún wá wú kɛ sran mun sa.+
Yɛ amún wá tɔ́ kɛ wlengbi onga mun sa!’”+
8 Ee Ɲanmiɛn, jaso naan di asiɛ’n i jɔlɛ,+afin nvlenvle’m be kwlaa be ti ɔ liɛ.
