Jue Mun 76:1-12
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Azafu i jue-ɔ.+
76 Be si Ɲanmiɛn Zida lɔ,+
i dunman’n ti danIzraɛli lɔ.+
2 I sua’n wo Salɛmun,+yɛ i tranwlɛ’n wo Siɔn.+
3 Ɔ bubuli ta mma nga be sɔ be nuan’n be nun lɛ.
Ɔ bubuli ɲrɛn’n, nin tokofi’n, nin alɛ kunlɛ ninnge’m be nun.+ (Sela)
4 A kpaja kpa,a le ɲrun tra oka nga nnɛn nga be di be wun koniɛn’n, be o su’n.
5 Be fɛnnin be nga be le awlɛn’n be bo ninnge mun.+
Be lafili.
Safuɲrɛn’m be nun wie fi w’a kwlá kplimɛn i ti.+
6 Ee, Zakɔbu i Ɲanmiɛn, kɛ a kpannin’n,i kakaklolo su fufuɛ-o, i nnɛn kpanngɔ-o, be lafili sa pɔɔ.+
7 Ɔ ngunmin cɛ yɛ a yo sro-ɔ.+
?Wan yɛ ɔ kwla jran ɔ ya dan’n i ɲrun-ɔn?+
8 Kɛ a o ɲanmiɛn su lɔ’n, a dili jɔlɛ.+
Srɛ kunnin asiɛ’n yɛ ɔ muɛnnin i nuan.+
9 Afin Ɲanmiɛn jasoli kɛ ɔ́ tú klunwifuɛ’m be fɔ,naan ɔ́ dé asiɛ’n su wun ase kanfuɛ’m be kwlaa.+ (Sela)
10 Klɔ sran’n i ya m’ɔ fa’n ɔ́ yó maan bé mánmán wɔ.+
Á wá fá be ya’n i onga’n á wlá ɔ wun.
11 Amun ta amun Ɲanmiɛn Zoova i nda, yɛ amun yiɛ i nuan.+
Maan be kwlaa nga be bo sin yiɛ i’n, be usu be fa like be bla.+
12 Ɔ́ wá yó maan kpɛn’m be wun tulɛ’n ɔ́ kán ase.
I dunman nun’n, srɛ wá kún asiɛ’n su famiɛn mun.
