Jue Mun 35:1-28
Davidi i jue-ɔ.
35 Ee Zoova, kpli min ti min kpɔfuɛ’m be sa nun.+
Be nga be nin min kun’n, maan a nin be kun.+
2 Fa ɔ ɲrɛn kaan’n* nin ɔ ɲrɛn dan’n,+naan jaso kpli min ti.+
3 Ɔ cua’n nin ɔ alɛ kunlɛ kpɛliɛ’n, man be su be nga be fuan min’n be wun.+
Se min kɛ: “N ti ɔ defuɛ.”+
4 Maan be nga be kunndɛ kɛ bé kún min’n, be ɲin gua ase naan be wun ɲannzuɛn.+
Maan be nga be cici kɛ bé kún min’n, be fa be ɲrun ɲannzuɛn’n be su wɔ siɛn.
5 Maan be kaci kɛ ble wla mɔ aunmuan’n fɛ i kɔ’n sa.
Maan Zoova i anzi’nfuan be.+
6 Kɛ Zoova i anzi’n fúan be’n,maan be atin’n su lu tuun, yɛ maan i su yo ndrɔn.
7 Afin m’an yoman sa, kpɛkun b’a fa tɛ* kun b’a fia naan ɔ tra min.
M’an yoman sa, kpɛkun b’a fu min bo kunman.
8 Maan ɲrɛnnɛn’n fu be nun,maan tɛ* nga be fa fiali’n, ɔ tra be bɔbɔ,maan be tɔ nun naanbe wu.+
9 Sanngɛ min liɛ’n, ń dí aklunjɔɛ Zoova dunman nun.
Delɛ m’ɔ de min’n ti’n, min klun jɔ́.
10 Min owie’m be kwlaa bé sé kɛ:
“?Ee Zoova, wan cɛ yɛ ɔ ti kɛ wɔ sa-ɔ?
A de ɲrɛnnɛnfuɛ’n be nga be le wunmiɛn’n besa nun,+a de ɲrɛnnɛnfuɛ’n nin yalɛfuɛ’n be nga be wua be bo ninnge mun’n besa nun.”+
11 Lalofuɛ wie mɔ be kunndɛ kɛ bé yó min tɛ’n be ba,+be usa min sa nga n siman nun’n i su ndɛ.
12 Kɛ n yo be kpa’n, be yomin tɛ.+
I sɔ’n yo maan min wla bo min wun dan.
13 Sanngɛ kɛ be wunnɛn yo be ya’n, n wla bajɛ tralɛ.
N ci nglɛmun naan ń yó min wun aunnvɔɛfuɛ.
Sanngɛ kɛ n wun kɛ min srɛlɛ’n ti ngbɛn’n,
14 n nanti n sin kɛ sran wie mɔ i janvuɛ annzɛ i niaan wie w’a wu’n sa.
Awlabɔɛ’n ti’n, n koto kɛ sran wie mɔ i nin w’a wu m’ɔ su sun’n sa.
15 Sanngɛ kɛ n tɔli’n, be dili aklunjɔɛ yɛ be ti yiali likawlɛ.
Be ti yiali likawlɛ naan bé sá min ɲrun bé kún min.
Be titili min nun, yɛ b’a muanman be nuan.
16 Be mɔ be buman Ɲanmiɛn like fi’n, be sri min tɛ kpa,*
be di be je be kle min.+
17 ?Ee Zoova, á trán lɛ nían be sa tititi?+
Kɛ be tɔ min su’n de min,+De min nguan m’ɔ ti cinnjin’n asɔmɔli gbanflɛn’m* be sa nun.+
18 Ń mánmán wɔ nzra dan’n nun,+Ń mánmán wɔ nzrafuɛ’m be afiɛn.
19 Nán yaci be nga be kpɔ min sa ngbɛn’n be lɛ naan be sri min.
Nán yaci be mɔ be kpɔ min sa ngbɛn’n+ be lɛ naan be kpɛ min kannglɛ.+
20 Afin be kanman ndɛ amanniɛn su,sanngɛ be fa gblɛ be cici mɛn’n nun wɛtɛɛfuɛ’m be wun ndɛ.+
21 Be trɛ be nuan nun gbawun be tɔn min suɛn,be se kɛ: “Ɛn-ɛɛn! Ɛn-ɛɛn! E bɔbɔ e ɲinma wunnin i.”
22 Ee Zoova, ɔ bɔbɔ a wunnin sa sɔ’n. Nán muan ɔ nuan.+
Ee Zoova, nán ka mmua lɔ.+
23 Tinnge yɛ jaso kpli min ti,Zoova, min Ɲanmiɛn, kpli min ti min jɔlɛ dilɛ’n nun.
24 Ee Zoova, min Ɲanmiɛn, wɔ mɔ a yo sa i nuan su sɛsɛ’n, di min jɔlɛ,+Nán yaci be lɛ naan be sri min.
25 Nán maan be se be wun le kɛ: “Ɛn-ɛɛn! Y’a ɲan like nga e kunndɛ’n.”
Nán maan be se le kɛ: “Y’a mɛn i gla.”+
26 Be nga be sri min min ɲrɛnnɛn blɛ’n nun’n,maan be kwlaa be ɲin gua ase yɛ be wun ɲannzuɛn.
Be nga be yo be wun dandan min su’n, maan be ɲin gua ase yɛ be wun ɲannzuɛn.
27 Sanngɛ be nga kɛ n yo sa kpa’n ɔ yo be fɛ’n, maan be kpan aklunjɔɛ kpanlɛ.
Maan be se titi kɛ:
“Maan manmanlɛ’n yo Zoova liɛ. Kɛ i sufuɛ’n di alaje’n ɔ yo i fɛ.”+
28 I liɛ’n, ń kán sa kpakpa nga a yo be’n be ndɛ,*+
Kpɛkun ń mánmán wɔ aliɛ ba kwlaa nun.+
