Jue Mun 31:1-24
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
31 Ee Zoova, ɔ sin yɛ n fia-ɔ.+
Nán maan ɲannzuɛn kun min le.+
Ɔ sa nuan su sɛsɛ yolɛ’n ti’n, de min.+
2 Sie ɔ su min nuan bo.*
Bla ndɛndɛ wa de min.+
Kaci kɛ oka sa naan yo min fiawlɛ.
Kaci fiawlɛ kpa kun naande min.+
3 Afin a ti min yɔbuɛ yɛ a ti min fiawlɛ.+
Ɔ dunman’n ti’n,+ á dún mmua min ɲrun, yɛ á klé min atin.+
4 Á yí min tɛ* nga be fa suali min wun aya m’ɔ ti fiawa’n i nun fíte,+afin a ti min fiawlɛ.+
5 Ń fá min nguan’n ń wlá ɔ sa nun.+
Ee Zoova, Ɲanmiɛn m’ɔ di nanwlɛ’n,* a kpɔli min ti.+
6 Be nga be fa be wun man amuin mɔ be timan like fi mɔ be leman ɲrun’n, n kpɔ be.
Min liɛ’n, n fa min wla’n n gua Zoova su.
7 Ɔ sran klolɛ dan’n ti’n, min klun jɔ́ lele trátrá su,afin a wunnin min su ɲrɛnnɛn’n,+a wun awlabɔɛ dan m’ɔ o min su’n.
8 W’a yiman min w’a wlaman min kpɔfuɛ’m be sa nun,sanngɛ a yoli maan n jrannin lika kun mɔ sa fi su ɲanman min lɔ’n* nun.
9 Ee Zoova, si min aunnvɔɛ, afin n wo ɲrɛnnɛn nun.
Awlabɔɛ’n ti’n, min ɲinma’m b’a fɛ,+ min wunnɛn wunmuan’n w’a fɛ wie.+
10 Awlabɔɛ’n w’a kun min kpo,+afuɛ kwlaa nun’n n fɛfɛ.+
Min fɔnlɛ’m be ti’n, min wunmiɛn’n su wie,wunmiɛn nunman min owie’m be nun kun.+
11 Min ɲrun tanndanfuɛ’m be kwlaa be yo min finfin.+
I li min mantanfuɛ mun yɛ be yo sɔ kpa’n niɔn.
Kɛ min sifuɛ’m be wun min’n, srɛ kun be.
Kɛ be wun min nzra nun’n, be wanndi min.+
12 N nunman be awlɛn’n* nun kun, be wla w’a fi min su, ɔ ti kɛ m’an wu sa.
M’an kaci kɛ sɛ mɔ w’a bo’n sa.
13 N tili min su ndɛ tɛtɛ kpanngban,be wla min srɛ min bue’n kwlaa su.+
Kɛ be ti yia mɔ be bo yo kun min wun’n,be cici min wun ndɛ naan bé kún min.+
14 Sanngɛ Zoova, n lafi ɔ su.+
N se kɛ: “A ti min Ɲanmiɛn.”+
15 Min cɛn’m be o ɔ sa nun.
De min min kpɔfuɛ mun nin be nga be kle min yalɛ’n be sa nun.+
16 Yo naan ɔ ɲrun’n kpaja ɔ sufuɛ’n i su.+
Ɔ sran klolɛ dan’n ti’n,de min.
17 Ee Zoova, kɛ n kpan flɛ wɔ’n, nán maan ɲannzuɛn kun min.+
Maan klunwifuɛ’m be wun ɲannzuɛn,+maan be nuan’n kata Ndia’n* nun lɔ.+
18 Nán ato buafuɛ’m be ɲan nuan be ijɔ kun.+
Be nga be tu be wun mɔ be kan ndɛ tɛtɛ be kle sran kpa mun’n, mɔ be yo be wun dandan be su’n, mɔ be yo be finfin’n, nán be ɲan nuan be ijɔ kun.
19 Ɔ klun ufue’n ti dan!+
A fa sieli be nga be sro wɔ’n,+a yili i nglo be nga be fia ɔ sin’n be lika, sran’m be kwlaa be ɲrun.+
20 Á fá be fía ɔ ɲrun lɛ fiawlɛ’n nun,+á fá be fía be nga be cici be wun ndɛ’n be wun.
Á fá be fía ɔ tannin sua’n nun,á fá be fía be nga be kunndɛ be ndɛnngan’n be wun.+
21 Maan manmanlɛ’n yoZoova liɛ,afin i nun mɔ be bo sin yiali klɔ kun+ mɔ n wo nun’n, wafa ng’ɔ kleli kɛ ɔ klo min dan’n,+ ɔ yo ɲɛnmɛn.
22 Min liɛ’n, srɛ kunnin min yɛ n seli kɛ:
“Ń wú ɔ ɲrun lɛ.”+
Sanngɛ kɛ n kpan flɛli wɔ kɛ a uka min’n, a tili min srɛlɛ’n.+
23 Maan amun klo Zoova, amun mɔ amun nin i nanti klanman’n.+
Zoova sasa nanwlɛfuɛ mun,+Sanngɛ ɔ tu sran ng’ɔ tu i wun’n i fɔ kekle kpa.+
24 Amun kwlaa nga amun su minndɛ Zoova’n,+maan amun yo yakpafuɛ, yɛ amun tra amun awlɛn.+
