Jue Mun 29:1-11
Davidi i jue’m be nun kun-ɔn.
29 Safuɲrɛn’m be mma mun, amun fa like ng’ɔ ti Zoova liɛ’n be mɛn i,amun fa like ng’ɔ ti Zoova liɛ’n be mɛn i, afin ɔ le ɲrun yɛ ɔ le tinmin.+
2 Amun manman Zoova kɛ ɔ nin i fata’n sa, i dunman dan’n ti.
Amun koto Zoova bo,* ɔ nin amun wun Ɲanmiɛn sulɛ tralɛ mun.*
3 Be ti Zoova i nɛn’n nzue’m be su,Ɲanmiɛn m’ɔ le ɲrun’n,i nɛn’n tɛ kɛangblannan sa.+
Zoova o nzue kpanngban su.+
4 Zoova i nɛn’n yo sro.+
Zoova i nɛn’n yo ɲɛnmɛn.
5 Zoova i nɛn’n bubu sɛdri waka mun.
Nanwlɛ, Zoova bubu Liban lɔ sɛdri waka’m be nun.+
6 Ɔ yo maan Liban’n* tu kpɛn kɛ nannin ba wie sa,yɛ ɔ yo maan Siriɔn’n+ tu kpɛn kɛ blo nannin* sa.
7 Kɛ Zoova i nɛn’n tɛ’n ɲanmiɛn’n kpa sin.+
8 Zoova i nɛn’n yo maan aawlɛ flɛnnɛn’n keje,+Zoova yo maan Kadɛsi lɔ aawlɛ flɛnnɛn’n+ keje.
9 Zoova i nɛn’n yo maan flete’m be usu yɛbe wu ba,i nɛn’n yo maan bo’n nun waka’m be nɲa’m be gua.+
Be kwlaa nga be o i sua’n nun lɔ’n, be se kɛ: “Maan manmanlɛ’n yo Ɲanmiɛn liɛ!”
10 Zoova ti i famiɛn bia’n su nzue dandan’m be ti su nglo,*+
Zoova ti i famiɛn bia’n su, ɔ́ dí Famiɛn tititi.+
11 Zoova wá mɛ́n i nvlefuɛ’m be wunmiɛn.+
Zoova wá yrɛ́ i nvlefuɛ’m be su naan be wun jɔ be fɔuun.+
