Jue Mun 28:1-9
-
Ɲanmiɛn tili jue tofuɛ’n i srɛlɛ’n
-
‘Zoova ti min wunmiɛn nin min ɲrɛn’ (7)
-
Davidi i jue-ɔ.
28 Ee Zoova, min Yɔbuɛ, n kpan n flɛ wɔ titi.+
Nán tannin ɔ su’n.
Sɛ w’a tɛman min su’n,ń yó kɛ be nga be jra kunman’n* nun’n sa.+
2 Kɛ n man min sa’m be su ɔ sua’n nun lɔ sua ba ngunmin kun’n i ndɛnman’n,mɔ n kpan flɛ wɔ kɛ a uka min’n, tie min srɛlɛ’n.+
3 Nán fa min nin klunwifuɛ mun kɔ, nán fa min nin be mɔ be yo sa tɛ’n kɔ.+
Be mɔ be kan fɔundi ndɛ kle be wiengu mɔ sanngɛ sa tɛ’n yɛ ɔ o be awlɛn’n nun’n, nán fa minnin be kɔ.+
4 Yi sa nga be yo’n i wunsu man be,+nian sa tɛtɛ nga be yo’n su yi man be.
yi like nga be fa be sa mun be yo’n i wunsu man be,nian sa nga be yo’n su yi man be.+
5 Afin be faman be ɲin sieman ninnge nga Zoova yo be’n be su,+be faman be ɲin siemɛn i i sa nuan ninnge’m be su.+
I sɔ’n ti’n, ɔ́ yó maan bé tɔ́ yɛ ɔ su manman be su kun.
6 Maan manmanlɛ’n yoZoova liɛ,afin ɔ tili srɛlɛ mɔ n srɛli i kɛ ɔ uka min’n.
7 Zoova ti min wunmiɛn,+ yɛ ɔ ti min ɲrɛn.+
I su yɛ min awlɛn’n wo-ɔ.+
Ɔ ukali min, ɔ maan min klun jɔ,i sɔ’n ti’n, ń tó jue ń mɛ́nmɛ́n i.
8 Zoova ti i nvlefuɛ’m be wunmiɛn.
Ɔ ti fiawlɛ, ɔ de i sran m’ɔ kpɛli i’n.+
9 De ɔ nvlefuɛ mun, yra ɔ aja like’n su.+
Nian be lika kɛ ɔ bua mun sa, yɛ fa be ɔ sa su tititi.+
Ja ngua lɔ ndɛ mun
^ Annzɛ “ndia’n.”
