Jue Mun 142:1-7
Maskili* su. Davidi i srɛlɛ’n kun-ɔn. Kɛ ɔ́ yó sɔ’n, nn ɔ o yɔbuɛ buɛ’n nun.+
142 N kpan flɛ Zoova kɛ ɔ uka min,+n srɛ Zoova kɛ ɔ si min aunnvɔɛ.
2 I ɲrun lɛ’n, n kan min su sa’n i ndɛ.
I ɲrun lɛ’n, n kan ɲrɛnnɛn ng’ɔ o min su’n i ndɛ+
3 blɛ mɔ min sa sin bubu min mɔ n leman wunmiɛn’n nun.
Ɔ maan a si atin nga n wo su’n.+
Atin nga n sin su’n i su’n,be fa aya kun be fia min bo.
4 Nian min sa fama su naan nian,sran fi nianman min lika.*+
N leman lika fi mɔ n kwla wanndi n kɔ lɔ-ɔ,+min ndɛ loman sran fi.
5 Ee Zoova, n kpan flɛ wɔ kɛ a uka min.
N se kɛ: “A ti min fiawlɛ,”+
like ngba nga n le i mɛn’n nun’n yɛle wɔ.
6 Kɛ n kpan flɛ wɔ kɛ a uka min’n sie ɔ su tie,afin min wla w’a bo dan.
De min be nga be kle min yalɛ’n be sa nun,+afin be le wunmiɛn tra min.
7 Yi min bisua’n nun lɔ sua ba kaan’n nun fite
naan n manman ɔ dunman’n.
Maan sran kpa’m be bo sin yia min,afin a nian min lika kpa.
