Jue Mun 129:1-8
-
Be nin i be kun sanngɛ be kwlɛmɛn i
-
Siɔn i kpɔfuɛ’m be ɲin gúa ase (5)
-
Be nga be su fu kɔ’n be jue-ɔ.
129 “Kɛ ɔ fɛ i min kaan nun’n be tɔ min su titi.”+
Maan Izraɛli se kɛ:
2 “Kɛ ɔ fɛ i min kaan nun’n be tɔ min su titi,+sanngɛ b’a kwlaman min.+
3 Kacɛ tufuɛ’m be tuli kacɛ min wiasin,+be yili be kloko tɛnndɛnndɛn mun.”
4 Sanngɛ Zoova ti kpa.+
Ɔ kpɛkpɛli klunwifuɛ’m be ɲanman’m be nun.+
5 Be kwlaa nga be kpɔ Siɔn’n,be ɲin gúa ase yɛ bé fá be ɲrun ɲannzuɛn’n bé cúɛn be wun.+
6 Bé yó kɛ sua ti su ijre
mɔ kɛ bé sé kɛ bé tútú’n nn w’a dun mmua w’a wu kee’n sa.
7 Ɔ kwlá yiman sran ng’ɔ tutu’n i sa buɛ’n,annzɛ sran ng’ɔ tiɛntiɛn i sɔlɛ’m be nuan’n i sa’n.
8 Be nga bé sín’n be su seman kɛ:
“Maan Zoova yra amun su.
Zoova dunman nun’n, maan amun liɛ yo ye.”
