Numeros 2:1-34
2 Yana nakiistorya hi Jehova kanda Moises ngan Aaron, nga nasiring:
2 “Magkakampo an mga Israelita ha lugar nga igintoka ha ira dibisyon nga may tulo nga tribo,+ nga an tagsa nga lalaki hirani ha bandera* han iya panimalay.* Magkakampo hira nga naatubang ha tolda nga katirokan, ha palibot hito.
3 “An magkakampo ha este nga dapit, ha sinirangan, amo an dibisyon nga may tulo nga tribo nga ginpapangunahan ni Juda uyon ha ira mga grupo;* an lider han mga anak ni Juda amo hi Nason+ nga anak nga lalaki ni Aminadab.
4 An iginrehistro nga iya kasundalohan 74,600.+
5 An magkakampo ha iya sapit amo an tribo ni Isacar; an lider han mga anak ni Isacar amo hi Netanel+ nga anak nga lalaki ni Zuar.
6 An iginrehistro nga iya kasundalohan 54,400.+
7 Sunod, amo an tribo ni Zebulon; an lider han mga anak ni Zebulon amo hi Eliab+ nga anak nga lalaki ni Helon.
8 An iginrehistro nga iya kasundalohan 57,400.+
9 “An ngatanan nga iginrehistro nga kasundalohan ha kampo ni Juda 186,400. Hira an una nga mananangtang han ira mga tolda ngan malarga.+
10 “An dibisyon nga may tulo nga tribo nga ginpapangunahan ni Ruben+ uyon ha ira mga grupo* mahimumutang ha sur nga dapit; an lider han mga anak ni Ruben amo hi Elizur+ nga anak nga lalaki ni Sedeur.
11 An iginrehistro nga iya kasundalohan 46,500.+
12 An magkakampo ha iya sapit amo an tribo ni Simeon; an lider han mga anak ni Simeon amo hi Selumiel+ nga anak nga lalaki ni Zurisadai.
13 An iginrehistro nga iya kasundalohan 59,300.+
14 Sunod, amo an tribo ni Gad; an lider han mga anak ni Gad amo hi Eliasap+ nga anak nga lalaki ni Reuel.
15 An iginrehistro nga iya kasundalohan 45,650.+
16 “An ngatanan nga iginrehistro nga kasundalohan ha kampo ni Ruben 151,450, ngan hira an ikaduha nga mananangtang han ira mga tolda ngan malarga.+
17 “Kon iginbabalhin an tolda nga katirokan,+ an kampo han mga Levita kinahanglan aada ha butnga han iba nga mga kampo.
“Magbibiyahe hira uyon ha pagkasurunod han ira pagkampo,+ nga an kada tagsa aada ha iya pwesto, uyon ha ira mga dibisyon nga may tulo nga tribo.
18 “An dibisyon nga may tulo nga tribo nga ginpapangunahan ni Efraim uyon ha ira mga grupo* mahimumutang ha weste; an lider han mga anak ni Efraim amo hi Elisama+ nga anak nga lalaki ni Amihud.
19 An iginrehistro nga iya kasundalohan 40,500.+
20 An magkakampo ha iya sapit amo an tribo ni Manases;+ an lider han mga anak ni Manases amo hi Gamaliel+ nga anak nga lalaki ni Pedazur.
21 An iginrehistro nga iya kasundalohan 32,200.+
22 Sunod, amo an tribo ni Benjamin; an lider han mga anak ni Benjamin amo hi Abidan+ nga anak nga lalaki ni Gideoni.
23 An iginrehistro nga iya kasundalohan 35,400.+
24 “An ngatanan nga iginrehistro nga kasundalohan ha kampo ni Efraim 108,100, ngan hira an ikatulo nga mananangtang han ira mga tolda ngan malarga.+
25 “An dibisyon nga may tulo nga tribo nga ginpapangunahan ni Dan uyon ha ira mga grupo* mahimumutang ha norte nga dapit; an lider han mga anak ni Dan amo hi Ahiezer+ nga anak nga lalaki ni Amisadai.
26 An iginrehistro nga iya kasundalohan 62,700.+
27 An magkakampo ha iya sapit amo an tribo ni Aser; an lider han mga anak ni Aser amo hi Pagiel+ nga anak nga lalaki ni Ocran.
28 An iginrehistro nga iya kasundalohan 41,500.+
29 Sunod, amo an tribo ni Neptali; an lider han mga anak ni Neptali amo hi Ahira+ nga anak nga lalaki ni Enan.
30 An iginrehistro nga iya kasundalohan 53,400.+
31 “An ngatanan nga iginrehistro ha kampo ni Dan 157,600. Hira an urhi nga mananangtang han ira mga tolda ngan malarga+ uyon ha ira mga dibisyon nga may tulo nga tribo.”
32 Ini an mga Israelita nga iginrehistro uyon ha ira mga panimalay;* an kabug-osan nga kadamu dida ha mga kampo nga iginrehistro para magsundalo 603,550.+
33 Pero an mga Levita waray ig-upod pagrehistro+ ha iba nga mga Israelita,+ sugad han iginsugo ni Jehova kan Moises.
34 Ginbuhat han mga Israelita an ngatanan nga iginsugo ni Jehova kan Moises. Ha sugad hini nga paagi hira nagkampo uyon ha ira mga dibisyon nga may tulo nga tribo+ ngan kon paonan-o hira nanangtang han ira mga tolda ngan linarga,+ an kada tagsa uyon ha pamilya ngan uyon ha ira mga panimalay.*
