Job 38:1-41
38 Insan inebatan nen Jehova si Job diad panamegley na maksil a dagem:+
2 “Siopa yay mamapakilot ed simbawakTan mansasalita ya andiay kakabatan?+
3 Iparaan mo pay inkasika, a singa sakey a laki;Tepetan ta ka, tan ipaamtam ed siak.
4 Iner so kawalaan mo sanen inletneg koy dalin?+
Ibagam ed siak, no iisipen mon natatalosan mo.
5 Siopay angiyan na saray sukat to, no bilang ta amtam,Odino siopay angiyunat ditan na lubir a panagsukat?
6 Antoy angipatoonan na saray lusek to,Odino siopay angiletneg na bato ed suyok to,+
7 Sanen nambabansag ya inmeyag ed liket iray bitewen ed kabuasan,+Tan amin ya ananak na Dios*+ et inkasil day boses da ed panangirayew?
8 Tan siopay nansara ed dayat, a kinapotan to itan+Sanen pinmultak itan manlapud eges,
9 Sanen kinawesan ko itan na saray luremTan binalkot* ko na makapal a bilunget,
10 Sanen inletneg koy panganggaan toTan inikdan ko na saray balewet tan saray puerta,+
11 Tan inkuan ko, ‘Anggad dia labat so sabien mo, tan agka onlalampas;Anggad dia labat iray ataragey a daluyon mo’?+
12 Asalim ta la* ya ingganggan so kabuasanOdino impaamta ed palbangon so pasen to,+
13 A bembenan to ray sampot na dalin
Tan paandien to ray mauges?+
14 Say dalin et nauuman a singa pitek a tetelpekan na tatak,Tan say itsura to et sankaimano a singa ed sakey a kawes.
15 Balet say liwawa na saray mauges et binawi ed sikara,Tan say akatagey a taklay da et aputer.
16 Akalasur ka ta la ed saray subol na dayatOdino ed araralem a danum pian manusisa?+
17 Niparungtal ta lad sika iray puerta na patey,+Odino anengneng mo ta la iray puerta na makapal a bilunget?*+
18 Atalosan mo ta la no panon kaawang so dalin?+
Ibagam ed siak, no amtam iyan amin.
19 Iner a direksion so panaayaman na liwawa?+
Tan iner so pasen na bilunget,
20 Pian niyakar mo itan ed teritorya toTan natalosan mo ray basbas a paarap ed ayaman to?
21 Kasin amtam iya lapud niyanak ka laTan dakdakel la ray taon* mo?
22 Akaloob ka ta la ed saray panagtiponan na niebe,+Odino anengneng mo ta la iray panagtiponan na uran a kristal,+
23 Ya ipaparaan ko parad panaon na gonigon,Parad agew na panlalaban tan guerra?+
24 Manlapud iner a direksion onkakayat so liwawa,*Tan iner so panlalapuan na dagem ed bukig ya onsisiplog diad dalin?+
25 Siopay nanggawa na aagusan na delapTan say dadalanan na makarol tan malurem a bagyo,+
26 Pian pauranen to diad pasen ya anggapoy toon manaayam,Diad kalawakan, a ditan et anggapoy totoo,+
27 Pian napenepenek iray dalin ya aderal tan agnapanayamanTan ontubo iray dika?+
28 Kasin walay ama na uran,+Odino siopay angilalak ed saray linaew?+
29 Siopay akan-eges ed samay pinawayan na yelo,Tan siopay angiyanak ed saray kinmigtel a linaew ed tawen+
30 Sanen saray danum et singa ra sinakoban na bato,Tan say tapew na araralem a danum et nagmaliw a yelo?+
31 Sarag mo kasin ibuknol iray lubir na konstelasyon a Kima*Odino ukbaren iray singer na konstelasyon a Kesil?*+
32 Sarag mo kasin itonton so sakey a konstelasyon* pian ompaway no panaon toOdino sarag mo kasin igiya so konstelasyon ya Ash* a kaiba na ananak to?
33 Amtam ta iray ganggan a manuuley ed tawen,+Odino sarag mo kasin ipaakseb ed dalin so autoridad da?*
34 Nikasil mo kasi boses mo anggad luremPian ombalasubos ed sika so maksil ya uran?+
35 Sarag mo kasin ibaki iray kirmat?
Insan ira ompawil ed sika tan ibaga ran, ‘Wadia kami la!’
36 Siopay angiyan na karunongan ed saray lurem*+Odino siopay angiter na pakatalos ed saray makapakelaw a bengatla diad tawen?*+
37 Siopa so marunong a sarag ton bilangen iray lurem,Odino siopay makapangiyibung na saray buyog na tawen+
38 Sano say dabok et magmamaliw a pitekTan saray tibagkol na dalin et manpepeketan?
39 Sarag mo kasi maningkat na buagen na sakey a leonOdino peselen iray narasan a mabiskeg a leon+
40 Sano akakebkeb ira diad ayaman daOdino manatambang ira diad ungib da?
41 Siopa so mangitataryay naakan na wawak+Sano onkekerew na tulong ed Dios iray sibong toTan liber-liber ira lapud anggapoy naakan?
Paimanod leksab
^ Sakey a balikas ed Hebreo ya ontutukoy ed saray anghel ya ananak na Dios.
^ Odino “nilampingan.”
^ Literal, “diad saray agew mo.”
^ Odino “na anino na patey.”
^ Literal, “iray agew.”
^ Odino posiblin, “kirmat.”
^ Nayarin tutukoyen na saya so bibitewen a Pleyades diad konstelasyon a Taurus.
^ Nayarin tutukoyen na saya so konstelasyon ya Orion.
^ Literal, “Mazarot.” Diad 2Ar 23:5, say miparan termino et manutukoy ed saray konstelasyon na zodiac.
^ Nayarin ontutukoy ed konstelasyon a Baleg ya Oso (Ursa Major).
^ Odino posiblin, “To.”
^ Odino posiblin, “ed too.”
^ Odino posiblin, “ed nonot.”
