Job 36:1-33
-
Intandoro nen Elihu iray agnausisa tan makapadinayew a kualidad na Dios (1-33)
36 Inkuan ni nen Elihu:
2 “Anosan mo ak ni daiset legan a manpapaliwawa ak,Ta wala ni ray ibagak diad biang na Dios.
3 Ibagak ya amin so amtak,Tan bidbiren ko so inkatunong na Manamalsak.+
4 Talagan saray ibabagak et aliwan katilaan;Samay perpektoy kakabatan+ to et walad arapan mo.
5 On, say Dios et makapanyari+ tan anggapoy ipupulisay to;Balbaleg so pakayari na pakatalos* to.
6 Agto pansiansiaen a mabilay so mauges,+Balet iikdan toy hustisya so napapairap.+
7 Agto alisay mata so matunong;+Payuyurongen to rad trono a kaiba na saray arari,*+ tan sikaray nitandoro ya anggad angga.
8 Balet no nababalor ira na gulonggulongTan nakakalotan ira na saray lubir na panamairap,
9 Ipapaamta tod sikara no antoy ginawa ra,Say insumlang da lapud inkamapaatagey da.
10 Lulukasan toy layag da ed panametekTan ibabaga ton tundaan da lay mauges a kagagawa ra.+
11 No ontulok tan manlingkor irad sikato,Manbilay iran maaligwas ed amin ya agew da,Tan magmaliw a makapaliket iray taon da.+
12 Balet no ag-ira ontulok, mangangga ra diad panamegley na espada*+Tan ompatey ira ya andiay kakabatan.
13 Manem-em na sakit na linawa iramay mauges* so puso ra.
Ag-ira onkekerew na tulong anggan sano babaloren to ra.
14 Ompapatey ira legan a wala ni rad kalangweran,+Uusaren day* bilay da a kaiba na saray paabang a lalaki ed templo.+
15 Balet saray napapairap et ililiktar na Dios* ed paniirap da;Lulukasan toy layag da sano nalalames ira.
16 Iyaarawi to ka ed tambib na gonigon+Iyaakar to ka ed maawang a pasen ya anggapoy panameget,+A say ligliwam et say matataban kakanen diad lamisaan mo.+
17 Insan napenek ka diad panangukom ed mauges,+Sano nipaakseb so panangukom tan nitandoro so hustisya.
18 Balet manalwar ka pian agka itonton na sanok mo ed pagmaliw a maruksa,*+Tan agmo aabuloyan a nibalang ka na baleg a pasuksok.
19 Kasin nipaliis ka ed gonigon diad ikekerew moy tulongOdino diad antokaman ya impasyan pansasagpot mo?+
20 Agmo pipilaleken so isabi na labi,Sano naaandi ray totoo ed pasen a kawalaan da.
21 Manalwar ka ya agka makapanggaway aliwa,A pilien mo iya nen say irap.+
22 Say Dios et nitandoro lapud pakayari to;Wala tay managbangat a singa sikato?
23 Wala tay angiwanwan* ed dalan to+Tan wala tay angibagad sikato, ‘Aliway ginawam’?+
24 Agmo lilingwanan ya irayew so kimey to,+A nipaakar ed satan so kakansionen na totoo.+
25 Amin a totoo et makakanengneng ed satan,Say sakey a too et onnenengneng labat manlapud arawi.
26 On, say Dios et mas makapadinayew ni nen say amta tayo;+Saray taon to et agnabilang.*+
27 Paoonlaen tod tagey iray tedter na danum;+Magmamaliw iratan ya uran manlapud saray kelpa;
28 Insan ipepelag iratan na lurem;+Onteterter iratan ed katooan.
29 Wala tay makatalos ed ikakayat na lurem,Say karol a manlalapud tolda* to?+
30 Nengneng mo no panon ton pakikirmaten*+ ditanTan sasakbongan so kaaralman* na dayat.
31 Diad panamegley na saratan et susustinien to ray* totoo;Iikdan to ray dakdakel a naakan.+
32 Say kirmat et sasakoban to na saray lima to,Tan ipapaarap to itan ed puntirya to.+
33 Ipapaamta na karol to so nipaakar ed sikato,Anggan saray kokomponien ya ayayep et ipapaamta ra no siopay* onsasabi.
Paimanod leksab
^ Literal, “puso.”
^ Odino posiblin, “Payuyurongen tod trono iray arari.”
^ Odino “armas.”
^ Odino “agmatoor.”
^ Odino posiblin, “Mangangga so.”
^ Literal, “To.”
^ Odino “ya ontipak tekep na inkaruksa.”
^ Odino posiblin, “nambalaw; akikuentaan ed sikato nisengeg.”
^ Odino “et agnausisa.”
^ Literal, “alolong.”
^ Literal, “ikakayat so liwawa to.”
^ Literal, “iray lamot.”
^ Odino posiblin, “idedepensa toy kanepegan na.”
^ Odino posiblin, “antoy.”
