Job 23:1-17
23 Et inmebat si Job, a kuan to:
2 “Anggan diad sayan agew et pursigido ak a manreklamo;*+Naupot lay biskeg ko lapud pannanangis ko.
3 No amtak labat komon so kawalaan na Dios!+
Onla ak ed panaayaman to.+
4 Iyarap kod sikato so kasokTan ibagak ya amin iray argumentok;
5 Aralen ko no panon so iyebat tod siakTan imanoen ko no anto ray ibabaga tod siak.
6 Misuppiatan kasid siak diad panamegley na baleg a pakayari to?
Andi, seguradon dengelen to ak.+
7 Diad satan, say maptek a too et makapipalinewan ed sikato,Tan pinsanan ak ya absueltoen na samay Ukom ko.
8 Balet no onla ak ed bukig, anggapod man;Tan kapawil ko, agko naromog.
9 Sano bandad kawigi so pankikimeyan to, agak makanengneng ed sikato;Tan sano onaarap ed kawanan, agko nin siansia nanengneng.
10 Balet amta toy basbas a panaakaran ko.+
Kayari to ak a suboken, magmaliw ak a singa puron balitok.+
11 Say salik et maapit ya ontutumbok ed saray bakat to;Mansiasiansia ak ed dalan to tan agak onsisian.+
12 Agak onaarawi ed ganggan ya ibabalikas na bibil to.
Papablien ko ray salita to+ a mas ni nen say kakaukolanen ed siak.
13 Sano sikatoy determinado, siopay makapuger ed sikato?+
Sano walay labay to* a gawaen, gagawaen to.+
14 Ta sumpalen ton amin no antoy adesisyonan* nipaakar ed siak,
Tan amayamay ni onian bengatla a nononoten ton gawaen.
15 Kanian napapagaan ak lapud sikato;Sano sikatoy nononoten ko, lalo ak a natatakot.
16 Say Dios et pinagmaliw ton matalaw so pusok,Tan say Makapanyarin-amin et pinagmaliw to ak a matakot.
17 Balet agak nin siansia apareen na kabilungetanOdino say bilunget a manasakbong ed lupak.
