Job 27:1-23
27 Et intuloy nen Job so paliwawa* to, a kuan to:
2 “Unong a mabilay so Dios, samay angisiblet ed siak na hustisya,+Unong a mabilay so Makapanyarin-amin, samay amaermen ed siak,*+
3 Anggad oniingas akTan walad eleng ko so espiritun* manlalapud Dios,+
4 Say bibil ko et agmansalita na ag-inkatunong;Tan say dilak et agmanmitimiti na panamalikdo!
5 Agkon balot sarag ya ibagan matunong kayo!Anggad ompatey ak et agko ikbanan* so integridad ko!+
6 Pansiansiaen koy inkatunong ko tan agkon balot bulosan itan;+Agak kondenaen* na pusok legan a mabilay ak.*
7 Komon ta say kabusol ko et magmaliw a singa samay mauges,Saramay mangaataki ed siak et magmaliw a singa samay agmatunong.
8 Ta antoy ilalo na mauges a too* sano sikatoy naderal la,+Sano paandien la na Dios so bilay* to?
9 Dengelen kasi na Dios so akis toSano onsabi gonigon ed sikato?+
10 Odino kasin sikatoy naliketan ed Makapanyarin-amin?
Kasin sikatoy ontawag ed Dios diad amin a panaon?
11 Bangatan ta kayo nipaakar ed pakayari* na Dios;Anggapon balot so iyamot ko nipaakar ed Makapanyarin-amin.
12 No akanengneng kayo lan amin na saray pasingawey,Akin et anggapon balot so kakanaan na saray ibabaga yo?
13 Saya so betang na mauges a too manlapud Dios,+Say tawir na saray maruksa manlapud Makapanyarin-amin.
14 No ondakel iray anak ton lalaki, ompatey ira lanlamang ed espada,+Tan anggapoy magenap a naakan na saray kailalakan to.
15 Saramay nakeraan et niponpon lapud salot,Tan ag-ira akisan na saray abalon asawa ra.
16 Anggano sikatoy mangibubunton na pilak a singa ed dabokTan mangisisimpen na maabig a klase na kawes a singa ed pitek,
17 Anggan sikatoy mantipon,Say mangisulong et samay matunong,+Tan saray pilak to et panaapagan na saray andiay kasalanan.
18 Say abung ya ipapaalagey to et singa kalupok na ubong na bigis,Singa siroman+ a ginawa na sakey a managbantay.
19 Sikatoy ondukol a mayaman balet anggapo so natipon to;Sano imurikat toy mata to, anggapoy kera.
20 Onsabid sikato so takot a singa sakey a delap;Diad labi et sikatoy ibatik na sakey a bagyo.+
21 Sikatoy itikyab na dagem a manlalapud bukig, tan sikatoy naandi;Sikatoy ipalir na satan manlapud kawalaan to.+
22 Ombanesbes itan ed sikato ya andian na panangasi+Legan a pipiliten toy makalukpos.+
23 Mantipak itan ed sikatoTan manngisiw+ ed sikato manlapud kawalaan na satan.*
Paimanod leksab
^ Literal, “proverbio.”
^ Odino “kamarerwak.”
^ Odino “agko ekalen ed siak; pansiansiaen ko.”
^ Odino “balawen.”
^ Odino “diad anggan dinan ed saray agew ko.”
^ Odino “na agmatoor.”
^ Odino “kamarerwa.”
^ Odino posiblin, “diad panamegley na lima.”
^ Odino posiblin, “Mantipak irad sikato tan manngisiw irad sikato manlapud kawalaan da.”
