Job 31:1-40

  • Indepensa nen Job so integridad to (1-40)

    • “Akisipanan ak la ed matak” (1)

    • Kinerew ton sikatoy simbangen na Dios (6)

    • Ag-akikalugoran (9-12)

    • Agmaarod kuarta (24, 25)

    • Agmandadayew ed idolo (26-28)

31  “Akisipanan ak la ed matak.+ Kanian akin et onlinggis ak nid* arum a bii?+   No ontan, anto kasi betang ko manlapud Dios a walad tawen,Anto kasi tawir ko manlapud Makapanyarin-amin a walad atagey a pasen?   Agta kadederal so manatalaran ed samay manggagaway maugesTan say irap ed saramay manggagaway makapasakit?+   Agto kasi nanenengneng iray dalan ko+Tan bibilangen so amin a kupbang ko?   Asalik tay nanakar ed katilaan?* Kasin say salik et nanapura a mamalikdo?+   Simbangen ak komon na Dios ed suston simbangan;+Ditan to nanengneng so integridad ko.+   No saray bakat ko et onsisian ed dugan dalan+Odino say pusok et ontutumbok ed saray matak+Odino saray limak et arutakan,   Pantanem yo ak na bini tan sananey komon so mangan,+Tan nabagot komon so intanem ko.*   No say pusok et nasasagyat ed sakey a bii,+Tan manaalagar ak+ diad puerta na kaabay ko, 10  Say asawak et manggiling komon na ilik parad sananey a laki,Tan sikatoy akdolan komon na arum a lalaki.*+ 11  Ta satan et makapabaing a kagagawa,Sakey a kasalanan a manepeg ed pananusa na saray ukom.+ 12  Sakey itan ya apoy a mangaakmon tan manederal,*+Ya uupoten to anggan saray lamot na* amin ya anik. 13  No insiblet koy hustisya ed aripen kon lalaki tan bibiiSanen walay inyarap dan reklamo* sumpad siak, 14  Antoy nagawaan ko sano komprontaen ak na* Dios? Antoy niyebat kod sikato sano mikuentaan ed siak?+ 15  Agta samay nanggawad siak diad eges so nanggawa met ed sikara?+ Agta saksakey so amorma ed sikami antis kamin niyanak?*+ 16  No agko inter iray pirawat na mairap-bilay+Odino pinaermen koy mata na balon bii;*+ 17  No kinan kon bukor so nabebetangan kon naakanYa agko iikdan iray ulila;+ 18  (Ta manlapu la nen kalangweran ak, samay ulila* et binmaleg a kaibak a singano siak so ama to,Tan manlapu lad inkaugaw ko* et siak lay mangiwawanwan ed samay balon bii.*) 19  No walay anengneng kon ompapatey ed betel ta anggapoy kawes toOdino sakey a mairap-bilay ya anggapoy isulong to;+ 20  No agto ak benendisyonan+Legan a sikatoy napepetangan ed saray abel a gawad bagoy karnerok; 21  No inayagan koy poniti imay ulila+Sanen kaukolan toy tulong ko diad puerta na syudad;*+ 22  Say taklay* ko et onsian komon ed takeb ko,Tan naputer komon so taklay ko diad bandad siko. 23  Ta antakot koy kadederal a manlapud Dios,Tan agak makaarap ed kagalangan to. 24  No nanmatalek ak ed balitokOdino imbagak ed maabig a klasen balitok, ‘Sikay panmamatalkan ko!’+ 25  No say mangiiter ed siak na liket et say dakel a kayamanan ko+Lapud amayamay so kayarian ko;+ 26  No anengneng koy agew* ya onsisinagOdino say marakdakep a bulan ya onaalis-alis;+ 27  Tan asagyat so pusok,Tan inangoban koy limak pian mandayew ed saratan;+ 28  Sakey itan a kasalanan a manepeg ed pananusa na saray ukom,Ta panangipulisay itan ed tuan Dios a walad tawen. 29  Kasin nanggayagaan ko so impakaderal na samay mamubusol ed siak+Odino nanliket ak lapud mauges so agawad sikato? 30  Agkon balot inabuloyan a mankasalanan so sangikDiad agko impangisamban naandi la komon so bilay* to.+ 31  Agkasi imbaga na saray lalakin walad toldak,‘Siopay makaromog na toon agnapepesel ed kakanen* to?’+ 32  Anggapoy estranghero* ya amalabas na labi ed paway;+Lukas so puertak ed saray managbiahe. 33  Sinalik ta a sakbongan iray kasalanan ko, a singa arum a totoo,+Diad impangiyamot koy lingok ed bulsay kawes ko? 34  Kasin tinmakot ak ed reaksion na karaklan,Odino kinmebbiew ak ed pambusol na arum iran pamilya,A nampareen ak tan antakot ak ya ompaway? 35  No wala labat komon so ondengel ed siak!+ Manpirma ak pian paneknekan so imbagak.* Komon ta ebatan ak na Makapanyarin-amin!+ No isulat labat komon na samay mangaakusad siak ed sakey a dokumento iray akusasyon to! 36  Sakbaten ko itan ed takeb ko,Tan iyan ko itan ed ulok a singa korona. 37  Ibagak ed sikato so bilang na amin a kupbang ko;Matalek ak ya onasingger ed sikato, a singa prinsipe. 38  No say dalin ko et ireklamo to akTan saray binaka ditan et manbabansag ya onakis; 39  No inakan ko ray bunga to ya agak nambayar,+Odino no pinaermen ko ray akanggawad satan;*+ 40  Ontubo komon ditan parad siak iray sabisabit imbes a trigoTan saray ambanget a dika imbes a sebada.” Dia la angangga iray salita nen Job.

Paimanod leksab

Odino “akin et ikdan koy agmanepeg ya imano so.”
Odino posiblin, “a kaiba na totoon matitila?”
Odino “nabagot komon so kailalakan ko.”
Literal, “ontalimukor komon ed sikato so arum a lalaki.”
Literal, “mangakan (mangaakmon) anggad kadederal.”
Odino “A babagoten to so.”
Odino “kaso.”
Literal, “onalagey so.”
Literal, “diad eges.”
Literal, “pinakuyep ko iray mata na balon bii.”
Literal, “sikato.”
Literal, “manlapud eges nen inak.”
Literal, “sikato.”
Odino posiblin, “Sanen anengneng kon walay suportak diad puerta na syudad.”
Odino “Say pukel na takeb.”
Literal, “liwawa.”
Odino “kamarerwa.”
Literal, “karne.”
Odino “dayon miaayam.”
Odino “Nia so pirmak.”
Odino “kamarerwa na saray akanggawad satan.”