Job 6:1-30

  • Say ebat nen Job (1-30)

    • Ibabaga ton walay katunongan to ed saray ibabalikas to (2-6)

    • Saray managligliwa to et aliwan matoor (15-18)

    • “Saray matuan salita et aliwan ansakit!” (25)

6  Et inmebat si Job, a kuan to:   “No nasimbang labat komon ya amin so gonigon ko+Tan niiyan ed simbangan a kaiba na paniirap ko!   Ta natan et mas ambelat itan nen saray buer ed dayat. Kanian makakapangibalikas ak na saray salitan agla ninonot.*+   Ta saray pana na Makapanyarin-amin et dinmuyok ed siak,Tan naliliknak ya onkakayat ed laman ko so samal da;+Saray makapataktakot a bengatlan nanlapud Dios et nandarasig sumpad siak.   Onakis kasi so atap ya asno+ sano walay kanen ton dika,Odino onngakngak kasi so baka sano walay kanen ton dayami?   Naakan kasi so matabang a kakanen no anggapoy asin,Odino wala tay taway na tabol na tanaman a malva?   Agko labay* a diwiten iratan a bengatla. Singa iratan dutak ed kakanen ko.   Nagawa la komon so kekerewen koTan iter la komon na Dios so pipirawaten ko!   Deralen ak la komon na Dios,Tan iyunat to la komon so lima to tan paandien to ak!+ 10  Ta anggan nagawa itan ed siak et naligliwa ak;Onlukso ak ed liket anggaman ag-ontunday sakit a naliliknak,Ta agko impulisay iray salita na Masanton Dios.+ 11  Wala ni kasi biskeg kon manalagar?+ Tan antoy maabig a manaalagar ed siak, a kaukolan ko ni so manbilay?* 12  Kasin say biskeg ko et singa ed bato? Odino kasin gawad gansa so laman ko? 13  Wala tay nagawaan ko pian natulongan koy sarilikAnta inekal lad siak so amin a pangaalaan koy suporta? 14  Siopaman a mangisisiblet na matoor a panangaro ed kapara ton too+Et agto la takotan so Makapanyarin-amin.+ 15  Saray mismon agagik et aliwan matoor+ a singa kulos no panaoy ambetel,Singa saray oneekat a danum na kulos no panaoy ambetel. 16  Pinakilot iratan na yelo,Tan akaamot ed saratan iray natutunaw a niebe. 17  Balet no panaoy tiagew et anggapoy danum da tan namamagaan ira;Sano ampetapetang so panaon, naeekatan ira. 18  Sananey so aarapen da;Onaagus ira ed desierto tan naaandi ra. 19  Aanapen iratan na grupo na saray managbiahen taga Tema;+Aalagaren iratan na saray managbiahen taga Sheba.*+ 20  Abaingan ira lapud aliway nanmatalekan da;Linma ra ditan pian nadismaya labat. 21  Ta diad siak et ontan so nagmaliwan yo;+Nanenengneng yoy makapasinagem a nagagawad siak, tan natatakot kayo.+ 22  Imbagak ta ya, ‘Ikdan yo ak,’ Odino imbagak ta a mangiter kayod siak na regalo manlapud kayamanan yo? 23  Kinerew ko ta ya iliktar yo ak ed kabusolOdino isalba* yo ak ed saray managpairap? 24  Ibangat yo ak, tan manpareen ak;+Ipamoria yod siak so lingok. 25  Saray matuan salita et aliwan ansakit!+ Balet anto so nagunggona ed pangipepetek yo?+ 26  Plaplanoen yo ta ya ipetek iray salitak,Saray ibabaga na sakey a toon naandian lay ilalo,+ a saratan et isisiplog na dagem? 27  Pampapalaranan yo met so sakey ya ulila+Tan ilalako* yoy mismon kaaro yo!+ 28  Natan sirin, lingaw kayo tan nengneng yo ak,Ta agak mantila ed sikayo. 29  Pannonotan yo pa lamet—agyo ak huhusgaan—On, pannonotan yo lamet, ta wala nid siak so inkatunong ko. 30  Aliwa ta’n matunong so ibabalikas na dilak?Agkasi natetebek na ngalangalak a walay aliwa?

Paimanod leksab

Odino “makapansasalita ak a bengatbengat.”
Odino “Aglabay na kamarerwak.”
Odino “a kaukolan kon pabayagen so bilay ko (kamarerwak).”
Odino “ulop na saray managbiahen Sabeo.”
Literal, “dondonen.”
Odino “isasalat.”