Job 25:1-6
25 Et inmebat si Bildad+ a Suhita, a kuan to:
2 “Walad sikatoy pakauley tan makapataktakot a pakayari;Ileletneg toy kareenan diad tawen.*
3 Nabilang ta iray armada to?
Siopay agnasisindagan na liwawa to?
4 Kanian panon a magmaliw a matunong ed arap na Dios so sakey a too,+Odino panon a magmaliw ya andiay kasalanan* so sakey ya inyanak na bii?+
5 Anggan say bulan et aliwan maliwawaTan saray bitewen et aliwan malinis ed pakanengneng to,
6 Nagkalalo la sirin ed too, a singa sakey a bigis,Tan say anak na too, a singa sakey ya alumbayar!”
