Job 35:1-16
35 Intuloy nen Elihu so ebat to:
2 “Kasin kombinsido kan maong a duga ka kanian ibabagam ya,‘Mas matunong ak nen say Dios’?+
3 Ta kuan mo, ‘Importante kasi itan ed sika?*
Mas maabig kasi kipapasen ko nen say no nankasalanan ak?’+
4 Onebat ak ed sikaTan ed saray kakaarom+ a kaibam.
5 Tangay kad tawen tan nengneng mo,Obserbaan mo ray lurem,+ ya atagtagey nen sika.
6 No mankasalanan ka, panon a nasakitan moy Dios?+
No ondakel iray lingom, antoy nagawaan mod sikato?+
7 No matunong ka, antoy niiiter mod sikato;Antoy naaawat to manlapud sika?+
8 Say naaapektoan labat ed kaugsan mo et say kaparam a too,Tan say naaapektoan labat ed inkatunong mo et say anak na too.
9 Onaakis iray totoo sano pinasyay pamapairap ed sikara;Kekerewen da a nainawaan ira komon ed uley* na makapanyari.+
10 Balet anggapoy mangibabagan, ‘Kawalaan na Dios, samay Makapadinayew a nanggawad siak,+Samay sengegan na pangakansion no labi?’+
11 Mas ibabangat to itayo+ nen saray ayayep diad dalin,+Tan gagawaen to tayon mas marunong nen saray manok ed tawen.
12 Ontatawag iray totoo, balet agto ra eebatan,+Lapud inkamapaatagey na mauges.+
13 Seguradon agdedengelen na Dios so andi-kakanaan ya akis;*+Ag-itan iimanoen na Makapanyarin-amin.
14 Nagkalalo la sirin no manrereklamo ka a sikatoy agmo nanenengneng!+
Inyarap lad sikato so kasom, kanian manalagar kad sikato.+
15 Ta sikatoy agnampasnok tan ag-akikuentaan;Tan agto inimano so bengatbengat a panagsalitam.+
16 Andi-kakanaan so pangibibiswat nen Job na sangi to;Sikatoy andian na kakabatan a salita lan salita.”+
