Job 19:1-29
19 Et inmebat si Job, a kuan to:
2 “Anggad kapigan yo ak pasyodoten,+A dederalen yo ak diad saray salita yo?+
3 Aminsamplo yo ak lan binano;*Agkayo ambaing a tratoen ak na aliwliwa.+
4 Et no bilang ta akagawa ak na lingo,Siak so akauley ed satan.
5 No ipilit yon iyatagey so sarili yo nen say siak,Ya ibabaga yon manepeg labat so pamabalaw ed siak,
6 Ibagak ed sikayo, say Dios a mismo so angibalang ed siak,Tan narel to ak ed impatit ton iket.
7 Lanang kon iyeeyag, ‘Agaylan inkaruksa!’ balet anggapoy oneebat ed siak;+Lanang ak ya onkekerew na tulong, balet anggapoy hustisya.+
8 Say dalan ko et sinaraan to na padir, kanian agak makalabas;Pinabilunget to ray dadalanan ko.+
9 Inekalan to ak na gloriaTan inekal tod ulok so korona.
10 Inggeba to ak diad amin a diking ya anggad naandi ak;Babagoten ton singa kiew so ilalok.
11 Mandarlang so sanok tod siak,Tan ipapasen to ak a kabusol to.+
12 Saray sundalo to et nambabansag ya onsasabi tan kukubkoben da ak,Tan mankakampo ra ed paliber na toldak.
13 Inyarawi tod siak iray mismon agagik,Tan saramay akankabat ed siak et tinaynan da ak.+
14 Saray maapit a kakaarok* et anggapo la ra,Tan saramay kabkabat ko et nilingwanan da ak.+
15 Saray sangkaili ed abung ko+ tan saray aripen kon bibii et ipapasen da ak a sananey a too;Sakey ak a dayo ed pakanengneng da.
16 Ontatawag ak ed lingkor ko, balet ag-oneebat;Diad mismon sangik et mikakasi ak ed sikato.
17 Say ingas ko et nagmaliw a makapadimla ed asawak,+Tan ambangebanget ak ed saray agagik a lalaki.*
18 Anggan saray ugugaw et bubusolen da ak;Sano onalagey ak, gapoan da ak lan kantiawan.
19 Amin a maapit a kakaarok et didimlaen da ak,+Tan saramay inad-arok et sinmumpad siak.+
20 Kakatakatat tan kapukepukel ak la,+Tan agko lawari aliktaray ipapatey.*
21 Kasian yo ak, kakaarok, kasian yo ak,Ta say mismon lima na Dios so aniwit ed siak.+
22 Akin et papasegsegangen yo ak a singa gagawaen na Dios,+Tan agyo ak tutundaan ya atakien?+
23 No nisulat labat komon iray salitak,No niiyan labat komon iratan ed sakey a libro!
24 Komon ta niyukit iratan ed bato ya anggad anggaDiad panamegley na panag-ukit a balatyang tan ismay!
25 Ta amtak a mabilay so mananondon ko;+Sikatoy onsabi naani tan onalagey diad tapew na dalin.*
26 Kayari na impaneral ed baog ko,Legan a wala nid siak so laman ko et nanengneng koy Dios,
27 Sikatoy nanengneng kon mismo,Sikatoy nanengneng na mismon matak, aliwan say mata na sananey a too.+
Balet diad loob ko et pinasyay ikakapuy ko!*
28 Ta kuan yo, ‘Panon a papasegsegangen tayo?’+
Ta walad siak so sengegay problema.
29 Takotan yoy espada,+Ta say espada so manudusa ed saray manggagaway kasalanan;
Nepeg yon naamtaan a walay sakey ya ukom.”+
Paimanod leksab
^ Odino “ininsulto.”
^ Odino “Saray kakanayon ko.”
^ Literal, “ananak a lalaki na eges ko,” say eges ya angiyanak ed siak (say eges nen inak).
^ Literal, “makakaliktar ak a kaibay katat na saray ngipen ko.”
^ Literal, “diad tapew na dabok.”
^ Odino “Saray batok et agla onggagana ed loob ko.”
