Job 14:1-22
14 “Say too, ya inyanak na bii,Et antikey so bilay to+ tan napnoy gonigon.+
2 Sikatoy ompapaway a singa rosas insan nalelenes;*+Sikatoy ombabatik a singa anino tan naaandi.+
3 On, inteen moy matam ed sikato,Tan sikatoy* iyaarap mod korte bilang kalaban mo.+
4 Siopay makapawala na sakey a malinis manlapud sakey ya agmalinis?+
Anggapo anggan sakey!
5 No saray agew to et ageteran,Say bilang na bulan to et walad sika;Angiyan kay panganggaan to ya agto nayarin lampasan.+
6 Agmo la komon nenengnengen pian makapainawa,Anggad nasumpal toy agew to, a singa uupaan a trabahador.+
7 Ta anggan say kiew et walay ilalo to.
No batangen, onsimit lamet,Tan saray sanga to et mantultuloy ya ombaleg.
8 No tinmakken lay lamot to diad dalinTan inatey lay sengeg to ditan,
9 Nabasa labat na daiset et onsimit la;Tan mansanga a singa balon tubo a tanaman.
10 Balet say too et ompapatey tan ondudukol ya andiay pakayari;Sano say too et nauyosan na linawa, iner so kawalaan to?+
11 Saray danum et naaandi ed dayat,Tan say ilog et oneekat tan namamagaan.
12 Ontan met, say too et ondudukol tan ag-ombabangon.+
Anggad naandi lay tawen et ag-ira onliing,Tan ag-ira nabangon ed ugip da.+
13 Komon ta iyamot mo ak ed Lubok,*+Saniban mo ak anggad onlabas lay sanok mo,Mangigana ka parad siak na nigeter a panaon tan nonot mo ak!+
14 No ompatey so sakey a too, nabilay lamet kasi?+
Manalagar ak diad amin ya agew na paskaran a panaglingkor ko,Anggad nibulos ak.+
15 Ontawag ka, tan onebat ak ed sika.+
Pirawaten mo so kimey na saray limam.
16 Balet natan et bibilangen moy kada kupbang ko;Say babantayan mo labat et say kasalanan ko.
17 Say impakasumlang ko et akakargad supot tan asaraan,Tan say lingok et sinaraan mo ed panamegley na beket.
18 No panon a say palandey et nagegeray tan natetebagTan say bato et naeekal ed pasen to,
19 No panon a say danum et mimigmigen to ray batoTan saray agus to et iyaanor day dalin,Ontan so panederal mod ilalo na too.
20 Sikatoy tataloen mo ya anggad naandi la;+Uumanen moy itsura to, tan papataynanen mo.
21 Saray anak ton lalaki et papagalangan, balet agto la amta;Nipapaabeba ra, balet agto la namomoria.+
22 Nalilikna toy sakit na laman to,Tan sikatoy* maneermen labat legan a mabilay ni.”
