Job 13:1-28

  • Katuloyan na ebat nen Job (1-28)

    • ‘Mas maong nin mitongtong ak ed Dios’ (3)

    • ‘Anggapoy kana yon managtambal’ (4)

    • “Amtak a wala ak ed katunongan” (18)

    • Tinepet to no akin a sikatoy ipapasen na Dios bilang kabusol (24)

13  “On, anengneng iyan amin na matak,Arengel iya na layag ko tan atalosan to.   Antokaman ya amta yo et amtak met;Aliwa ak ya abeba nen say sikayo.   Siak balet, mas maong nin mitongtong ak ed Makapanyarin-amin;Labay kon idepensa so kasok ed Dios.+   Balet dederalan yo ak ed panamegley na katilaan;Amin yo et anggapoy kanan managtambal.+   No komon ta agkayo lan balot mansalita,Ipatnag na satan a walay karunongan yo.+   Dengel yo pa ray argumentok,Tan imano yo pa ray katunongan ko.   Kasin diad biang na Dios et mansalita kayo na ag-inkahustisya,Tan parad sikato et mansalita kayo kasi a mapalikdo?   Kasin sikato so pilaan yo,*Kasin salien yon idepensa so kaso na tuan Dios?   Maabig kasi pansumpalan no usisaen to kayo?+ Kasin sikatoy palingoen yo a singa pamapalingo yo ed too? 10  Seguradon banoen to kayoNo masekreto yon sasalien ya ipatnag so paboritismo.+ 11  Agkayo kasi nataktakot ed kagalangan toTan onkebbiew ed sikato? 12  Saray makabat* a salita yo et andi-kakanaan iran proverbio;*Saray pandepensa* yo et makapuy a singa saray pandepensa a gawad pitek. 13  Mandeen kayo pa, pian makapansalita ak. Insan paulyan yo lad ’tan no antokaman so nagawad siak! 14  Akin et iiyan koy sarilik ed peligro*Tan saray limak so mangaalad bilay ko?* 15  Anggan pateyen to ak bilang, manalagar ak nin siansia;+Idepensak so kasok* diad arapan to. 16  Diad satan et sikatoy magmaliw a manangiliktar ko,+Ta say mauges a too* et agnayarin onarap ed sikato.+ 17  Dengel yon maong so salitak;Imano yoy ibagak. 18  Nengneng yo, akaparaan lay kasok ya iyarap kod korte;Amtak a wala ak ed katunongan. 19  Siopay misuppiatan ed siak? Ompatey ak no manpareen ak labat!* 20  Duaran bengatla labat so kerewen kod sika, O Dios,*Pian diad ontan et agta ka iyamotan: 21  Ekal mo pa tan iyarawim ed siak so ambelat a limam,Tan agmo iyaabuloy ya onkebbiew ak lapud takot kod sika.+ 22  Balanglan sika so ontawag tan onebat ak,Odino siak so mitongtong tan ebatan mo ak. 23  Anto ray lingok tan kasalanan ko? Ipaamtam pad siak so impakasumlang tan kasalanan ko. 24  Akin et iyaamot moy lupam+Tan ipapasen mo ak a kabusol mo?+ 25  Salien mo kasin taktakoten so sakey a bulong ya ipapalirpalir na dagemOdino usilan so amagaan a dayami? 26  Ta isusulat mon naynay iray ansakit ya akusasyon sumpad siak,Tan paeebatan mod siak iray kasalanan ko sanen wala ak nid kalangweran. 27  Iiyan mo ray salik ed panangipangawan,Susukayan moy amin a dalan ko,Tan totontonen moy kada bakat ko. 28  Kanian say too* et nabubulok a singa sakey a bengatlan namumugay,Singa kawes ya uupoten na saray bigis.

Paimanod leksab

Odino “ipatnag yod sikato so panaglabi.”
Odino “makatantanda.”
Literal, “saray dapol a proverbio.”
Literal, “Saray tibugkol na panagsamper.”
Literal, “Akin et itatangal ko so laman ko?”
Odino “kamarerwak.”
Odino “Idepensak iray dalan ko.”
Odino “say agmatoor.”
Odino posiblin, “No wala, manpareen ak labat tan ompatey ak.”
Literal, “Duaran bengatla labat so agmo gagawaen ed siak.”
Literal, “sikato,” posiblin manutukoy ed si Job.