Job 10:1-22
10 “Kabusol ko* so bilay ko.+
Ibesngaw ko la ray reklamok.
Mansalita ak lapud pinasyan pakakagonigon ko!*
2 Ibagak ed Dios: ‘Agmo ibabagan nankasalanan ak.
Ipaamtam ed siak no akin a misusuppiatan kad siak.
3 Nagunggonaan ka ta ed pamapairap mo,A bubusolen moy kimey na saray limam+Balet ta papaboran moy simbawa na mauges?
4 Kasin saray matam et mata na too,Odino kasin onnenengneng ka a singa sakey a too?
5 Kasin saray agew mo et singa saray agew na totoo,Odino kasin saray taon mo et singa saray taon na sakey a laki,+
6 A kaukolan mon anapen so lingokTan lanang mon sukayan so kasalanan ko?+
7 Amtam ya anggapoy kasalanan ko;+Tan anggapoy makapangiliktar ed siak ed limam.+
8 Saray mismon limam so amorma tan nanggawa ed siak,+Balet natan et sigpot mo ak a dederalen.
9 Nonot mo komon a ginawam ak manlapud pitek,+Balet natan et papapawilen mo ak ed dabok.+
10 Agta inkalbom ak a singa gatasTan pinakigtel mo ak a singa keso?
11 Kinawesan mo ak na baog tan laman,Tan tinuop mo ak ed panamegley na pukepukel tan ula-ulat.+
12 Inikdan mo ak na bilay tan impatnag mod siak so matoor a panangaro;Inalwaran moy espirituk* diad panangasikasom.+
13 Balet maamot mon ginetma a gawaen irayan bengatla.*
Amtak a nanlapud sika irayan bengatla.
14 No nankasalanan ak, bantayan mo ak,+Tan agmo perdonaen iray lingok.
15 No akagawa ak na kasalanan, pakaskasi ak!
Tan anggano anggapoy kasalanan ko, agko nitangway ulok,+Ta napno ak na kababaingan tan kairapan.+
16 No itangwak so ulok, singa ka leon a mananap ed siak+Tan ipatnag mo lamet so pakayarim sumpad siak.
17 Wala ray iyaarap mod siak a balon testigom,Tan lalo kan onsasanok ed siak,Legan a mantutumbokan so irap ya onsasabid siak.
18 Kanian akin et impaway mo ak nid eges nen inak?+
Inatey ak la komon antis nin walay makanengneng ed siak.
19 Nagmaliw komon a singano agak balot niwala;Indiretso ak la komon ed lubok kapaway kod eges.’
20 Agta dagdaiset iray agew ko?+ Paulyanan to ak la komon;Agto la komon inengneng ed siak iray mata to, pian nainawaan ak na daiset*+
21 Antis ak ya onalis—tan agak la ompawil+—Paonlad dalin na makapal a bilunget,*+
22 Diad dalin na sigpot a kabilungetan,Sakey a dalin ya ambilbilunget tan anggapoy uksoy,A ditan anggan say liwawa et singa bilunget.”
