Job 4:1-21
4 Et inmebat si Elifaz+ a Temanita, a kuan to:
2 “No walay malabay a mitongtong ed sika, agka kasi makaanos?Ta wala kasi toon napokpokan toy sarili ton mansalita?
3 Tua, dakdakel so impetek moTan nensaman et pinabiskeg mo ray makapuy a lima.
4 No walay natutumba, ipapaalagey mo diad saray salitam,Tan pabibiskegen mo iramay mankalog lay pueg da.
5 Balet natan, nen agawa yad sika, agmo nasarag;*Nen sinmabi yad sika, adismaya ka.
6 Agta wala komon so kompiyansam no igagalang moy Dios?
Agta wala komon so ilalom no manaakar kan walaay integridad?+
7 Nonot mo pa: Wala ta lay toon andiay kasalanan ya inatey?
Kapigan a say maptek et aderal?
8 Say nanenengneng ko et saramay manbabaka ed uma na kaugsanTan saramay mantatanem na bini na gulo et anien da lanlamang itan.
9 Diad ingas na Dios et nadederal ira,Tan diad maksil a puersa na sanok to et naaandi ira.
10 Anggan managlem so leon, tan manngernger so malangwer a leon,Siansia nin napuputer iray ngipen na mabibiskeg a leon.*
11 Say leon et ompapatey no anggapoy nabuag to,Tan saray kilaw na leon et mansisian.
12 Natan et walay salita a masekreton impasabid siak,Tan esaes labat so nadngel ko.
13 Legan a maguloguloy nonot ko diad saray pasingawey ed labi,Sanen naugi-ugip la ray totoo,
14 Ginmiwgiw ak a maong,Kinmebbiew so amin a pukel ko.
15 Walay sakey ya espiritu a dinmalan ed arap ko;Binmegas so bagok.
16 Insan tinmunda itan,Balet agko nibiig so itsura to.
Walay nanenengneng ko diad arapan ko;Marendeen ed saman, insan walay nadngel kon boses:
17 ‘Nayari kasin magmaliw a mas matunong so sakey a too nen say Dios?
Nayari kasin magmaliw a mas malinis so too nen say Manamalsa to?’
18 Amtam, anggapoy talek tod saray lingkor to,Tan aanapan to na lingo iray anghel* to.
19 Nagkalalo la ed saramay manaayam ed kaabungan a gawad pitek,A diad dabok so pundasyon da,+Tan singa ra gamugamo a main-inomay a tiplaken!
20 Manlapud kabuasan ya anggad labi et sigpot iran nadederal;Anggapoy makakaimano a naandi la ra ya anggad angga.
21 Agta singa ra toldan naukbaran lay singer?
Ompapatey ira ya andiay karunongan.
