Jue Mun 50:1-23
Azafu i jue’m be nun kun-ɔn.+
50 Zoova m’ɔ ti ɲanmiɛn’m be Ɲanmiɛn’n kannin ndɛ.+
Kɛ ɔ fɛ i wia afiliɛ lɔ lele m’ɔ́ fá jú wia atɔliɛ lɔ’n,ɔ yia asiɛ’n sufuɛ’m be kwlaa.
2 Siɔn mɔ i klanman’n leman wunsu’n,+ i su lɔ yɛ Ɲanmiɛn kpaja-ɔ.
3 E Ɲanmiɛn’n wá bá, yɛ ɔ su kwlá muɛnmɛn i nuan.+
Sin dan kun o i ɲrun,+yɛ aunmuan dan kun fita bo sin yiɛ i.+
4 Ɔ yia ɲanmiɛn su lɔfuɛ mun nin asiɛ’n sufuɛ mun,+naan ɔ́ dí i sran’m be jɔlɛ:+
5 “Amun yia min sufuɛ kpa mun min wun wa,be mɔ be yi tɛ naan be nin min trá aenguɛ’n.”+
6 Ɲanmiɛn su lɔ’n kle weiin kɛ ɔ yo sa i nuan su sɛsɛ,afin Ɲanmiɛn bɔbɔ ti Jɔlɛ Difuɛ.+ (Sela)
7 “Min sran mun, amun tie, ń má íjɔ.
Izraɛli, ɔ ninnge tɛtɛ nga a yoli be’n, ń má kán be ndɛ.+
N ti Ɲanmiɛn, n ti ɔ Ɲanmiɛn.+
8 Nán tɛ nga a yi be’n be ti yɛ n tu ɔ fɔ-ɔ.
Nán tɛ nga kɛ bé yí’n be yra nnɛn’n i kɔlikɔli’n mɔ a yi be min ɲrun titi’n, be ti yɛ n tu ɔ fɔ-ɔ.+
9 Ɔ timan cinnjin kɛ n fa nannin tola kun ɔ awlo’n nun,annzɛ boli mun* ɔ nnɛn tuin’m be nun.+
10 Afin blo nnɛn nga be o bo’n nun lɔ’n be kwlaa be ti min liɛ.+
Nnɛn nga be o oka akpi (1.000) su bɔbɔ’n be ti min liɛ.
11 Anunman nga be o oka’m be su’n, be kwlaa be ti min liɛ.+
Nnɛn nga be o blo lɔ mɔ be kwlá kaman be’n, be ti min liɛ.
12 Sɛ awe kun min’n, n su kan kleman wɔ,afin asiɛ m’ɔ yo like ye’n nin i su ninnge’m be kwlaa be ti min liɛ.+
13 ?Naan ń má dí nannin tola’m be nnɛn’n?
?Yɛ ń nɔ́n boli’m be mmoja’n?+
14 Tɛ ng’ɔ fata kɛ a yi man Ɲanmiɛn’n, yɛle i ye silɛ.+
Yɛ nda nga a tali Ɲanmiɛn m’ɔ o Like Kwlaa Ti Su’n, yiɛ i nuan.+
15 Flɛ min ɲrɛnnɛn blɛ’n nun.+
Ń má dé wɔ, yɛ á mánmán min.”+
16 Sanngɛ Ɲanmiɛn wá sé klunwifuɛ’n kɛ:
“?Wan yɛ ɔ mannin wɔ atin kɛ a kan min mmla’m be ndɛ-ɔ?+
?Annzɛ wan yɛ ɔ mannin wɔ atin kɛ a kan min aenguɛ’n i ndɛ-ɔ?+
17 Afin a kpɔ fɔ tulɛ’n,*
yɛ a kaci ɔ sin si min nuan ndɛ mun.*+
18 Kɛ a wun awiefuɛ’n, ɔ klun jɔ i wun,*+
kpɛkun a nin be nga be kunndɛ bla be yi bo annzɛ bian be wun bo’n yɛ amun nanti-ɔ.
19 A fa ɔ nuan’n kan ndɛ tɛtɛ mun sin,yɛ ato’n wo ɔ nuan nun.+
20 A tran ase, kpɛkun a kan ɔ bɔbɔ ɔ niaan’n i wun ndɛ tɛtɛ.+
A kan ɔ bɔbɔ ɔ nin’n i wa’n i fɔnlɛ’m be ndɛ.*
21 Kɛ á yó ninnge sɔ mun’n, m’an kanman ndɛ,ɔ maan a buli i kɛ n ti kɛ wɔ sa.
Sanngɛ siɛn’n, ń má tú ɔ fɔ,yɛ ń má kán ɔ wun ndɛ ng’ɔ o min klun’n.+
22 Amun mɔ amun wla fi Ɲanmiɛn’n, amun yaci, an bu ndɛ nga i akunndan.+
Sɛ amun a yoman sɔ’n, kɛ ń má títí amun nun’n, sran fi su kwlá deman amun.
23 Sran nga tɛ ng’ɔ yi’n yɛle min ase lalɛ’n, ɔ manman min,+yɛ sran nga w’a fua kpa kɛ ɔ́ yó sa kpa’n,ń má yó maan ɔ́ wún Ɲanmiɛn i sran delɛ’n.”+
