Jue Mun 21:1-13
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
21 Ee Zoova, ɔ wunmiɛn’n ti’n, famiɛn’n i klun jɔ.+
Sa nga a yo fa de i’n ti’n, i klun jɔ dan!+
2 A fɛli i awlɛn su like’n mɛnnin i.+
W’a seman kɛ a faman like ng’ɔ srɛli’n mɛnmɛn i. (Sela)
3 Afin a yrɛ i su dan,a fa famiɛn kle m’ɔ ti sika ɔkwlɛ jrɛiin’n* wlɛ i ti.+
4 Ɔ srɛli wɔ nguan, yɛ a fa mɛnnin i.+
A mɛnnin i nguan tɛnndɛn, nguan sɔ’n leman awieliɛ.
5 Sa nga a yo fa de i’n ti’n, ɔ ɲan ɲrun dan.+
A mɛn i aɲrunɲan, yɛ ɔ yo ɲɛnmɛn.
6 A yrɛ i su tititi,+aklunjɔɛ m’ɔ o ɔ ɲrun’n ti’n, i klun jɔ.+
7 Afin famiɛn’n fɛ i wla’n gua Zoova su.+
Ɲanmiɛn m’ɔ o Like Kwlaa Ti Su’n i sran klolɛ dan’n ti’n, ɔ su usuman le.*+
8 Ɔ sa’n ɔ́ kán ɔ kpɔfuɛ’m be kwlaa.
Ɔ sa fama’n ɔ́ kán be nga be kpɔ wɔ’n.
9 Kɛ i blɛ wá jú mɔ á wá kpɛ́ ɔ ɲin be su’n, á yó maan bé júe kɛ sin dan wie sa.
Zoova i ya dan’n ti’n, ɔ́ núnnún be, yɛ sin dí be.+
10 Á núnnún be mma mun asiɛ’n su.
Á núnnún be osu’n nunfuɛ mun sran’m be afiɛn.
11 Afin b’a gugu kɛ bé yó ɔ tɛ.+
Sa nga be guguli kɛ bé yó’n, bé kpí ase.+
12 Á wá yó maan bé wánndi,+afin á wá cúɛn ɔ ta’n* nun be wun.
13 Ee Zoova, jaso, yi ɔ wunmiɛn’n i nglo.
É tó jue é mánmán wɔ,* ɔ kwlalɛ dan’n ti.
