Jue Mun 148:1-14
148 An manman Ya!*
An manman Zoova ɲanmiɛn su lɔ.+
An mɛnmɛn i nglo lɔ.
2 Amun mɔ amun ti i anzi mun’n, amun kwlaa an mɛnmɛn i.+
Amun mɔ amun ti i sonja mun’n,+ amun kwlaa an mɛnmɛn i.
3 Wia nin anglo’n, an mɛnmɛn i.
Nzraama mun, amun mɔ amun kpaja’n, amun kwlaa an mɛnmɛn i.+
4 Ee ɲanmiɛn m’ɔ la nglo mmua kpa lɔ plaii’n, mɛnmɛn i,nzue mun, amun mɔ amun o ɲanmiɛn’n i ti su nglo lɔ’n, an mɛnmɛn i.
5 Maan be manman Zoova i dunman’n,afin ɔ kannin ndɛ, kpɛkun ɔ yili be.+
6 Ɔ sieli be kɛ be ka lɛ tititi.+
Ɔ kpɛli mmla kun m’ɔ su sinman le-ɔ.+
7 An manman Zoova asiɛ’n su,jenvie’n nun nnɛn dandan mun, ɔ nin nzue mɔ be bo ti kploun’n be kwlaa,
8 ɲanmiɛn m’ɔ kpa sin’n, ɔ nin nzraama mɔ kɛ nzue tɔ́’n be gua’n, nin laglasi m’ɔ fin nglo lɔ gua munkɛnmunkɛn’n, ɔ nin ɲanmiɛn ble tuun’n,aunmuan dan, amun mɔ amun di i ndɛ’n su’n,+
9 oka mun nin kpɔlɛ’m be kwlaa,+waka nga be su mma mun nin sɛdri waka’m be kwlaa,+
10 blo nnɛn mun+ nin klɔ nnɛn mun,ninnge nga be cuɛn be wun ase mun, nin anunman mun,
11 asiɛ’n su famiɛn mun nin nvlenvle’m be kwlaa,sran dandan mun nin asiɛ’n su jɔlɛ difuɛ’m be kwlaa,+
12 gbanflɛn mun nin talua mun,*
kpɛnngbɛn mun, ɔ nin ba kanngan mun.
13 Maan be manman Zoova i dunman’n,afin i dunman’n i kunngba cɛ yɛ ɔ o like kwlaa ti su-ɔ.+
I aɲrunɲan’n wo asiɛ’n nin ɲanmiɛn m’ɔ la nglo lɔ plaii’n be ti su nglo.+
14 Ɔ́ úka i nvlefuɛ’m be wunmiɛn’n* su,naan i sufuɛ kpa’m be kwlaa be ɲan ɲrun,naan Izraɛlifuɛ mɔ be nin i mantan’n, be ɲan ɲrun.
An manman Ya!*
