Jue Mun 145:1-21
Davidi i Ɲanmiɛn manmanlɛ jue-ɔ.
א [Alɛfu]
145 Ee, min Ɲanmiɛn mɔ a ti min Famiɛn’n, ń mánmán wɔ,+ń mánmán ɔ dunman’n tititi.+
ב [Bɛti]
2 Aliɛ ba kwlaa nun’n, ń mánmán wɔ.+
Ń mánmán ɔ dunman’n tititi.+
ג [Gimɛli]
3 Zoova ti dan, yɛ ɔ nin manmanlɛ fata.+
Be kwlá wunmɛn i dan m’ɔ ti’n i wlɛ mlɔnmlɔn.*+
ד [Dalɛti]
4 Be nga bé wá jáso su’n, bé yí ɔ sa nuan ninnge’m be ayɛ.
Bé kán sa dandan nga a yo be’n be ndɛ.+
ה [E]
5 Bé kán ɔ aɲrunɲan m’ɔ yo ɲɛnmɛn dan’n i ndɛ,+yɛ ń bú ɔ abonuan sa’m be su akunndan.
ו [Vavu]
6 Bé kán sa dandan nga a yo be’n be ndɛ,yɛ ń kán ɔ dan mɔ ati’n i ndɛ.
ז [Zayin]
7 Kɛ be wla kpɛ́n ɔ klun ufue dan’n su’n, bé mánmán wɔ lelele,+yɛ bé kpán aklunjɔɛ kpanlɛ, ɔ sa nuan su sɛsɛyolɛ’n ti.+
ח [Ɛti]
8 Zoova si aunnvɔɛ yɛ ɔ yaci sa cɛ,+ɔ faman ya ndɛndɛ, yɛ ɔ klo sran dan.+
ט [Tɛti]
9 Zoova ti kpa man ninnge ng’ɔ yili be’n be kwlaa,+yɛ i aunnvɔɛ silɛ’n i ɲin fite like kwlaa ng’ɔ yo’n nun.
י [Yɔdu]
10 Ee Zoova, ɔ sa nuan ninnge’m be kwlaa béyí ɔ ayɛ,+yɛ ɔ sufuɛ kpa’m bé mánmán wɔ.+
כ [Kafu]
11 Bé kán ɔ famiɛn dilɛ’n i aɲrunɲan’n i ndɛ,+yɛ bé kán kwlalɛ mɔ a lei’n i ndɛ+
ל [Lamɛdi]
12 naan sran’m be si sa dandan nga a yo be’n,+naan be si ɔ famiɛn dilɛ’n i aɲrunɲan m’ɔ yo ɲɛnmɛn’n.+
מ [Mɛmun]
13 Ɔ famiɛn dilɛ’n, ɔ ti famiɛn dilɛ kun m’ɔ o lɛ tititi-ɔ,yɛ ɔ sielɛ’n o lɛ blɛ kwlaa nun.+
ס [Samɛki]
14 Zoova suan be kwlaa nga be su tɔ’n be bo,+yɛ ɔ man be kwlaa nga b’a klu’n be su.+
ע [Ayin]
15 Be kwlaa be ɲin ta ɔ ɲrun,a man be aliɛ blɛ ng’ɔ ti i su’n i nun.+
פ [Pe]
16 A trɛ ɔ sa’n nun,yɛ a man ninnge nga be o nguan nun’n be like ng’ɔ ju be’n.+
צ [Sade]
17 Zoova yo sa i nuan su sɛsɛ sa kwlaa nun,+yɛ sa kwlaa ng’ɔ yo’n kle kɛ ɔ ti nanwlɛfuɛ.+
ק [Kɔfu]
18 Zoova o be kwlaa nga be kpan flɛ i’n be wun koko,+ɔ o be kwlaa nga be kpan flɛ i nanwlɛ su’n be wun koko.+
ר [Rɛsi]
19 Ɔ man be nga be sro i’n be like ng’ɔ ju be’n.+
Ɔ ti kpanlɛ mɔ be kpan flɛ i kɛ ɔ uka be’n, yɛ ɔ de be.+
ש [Sinin]
20 Zoova sasa be kwlaa nga be klo i’n,+sanngɛ ɔ́ wá núnnún klunwifuɛ’m be kwlaa.+
ת [Tavu]
21 Ń fá min nuan’n ń mánmán Zoova.+
Maan ninnge nga be o nguan nun’n, be mɛnmɛn i dunman m’ɔ ti sanwun’n tititi.+
Ja ngua lɔ ndɛ mun
^ Annzɛ “I dan m’ɔ ti’n, ɔ tra e kpɛn.”
