Jue Mun 130:1-8
Be nga be su fu kɔ’n be jue-ɔ.
130 Ee Zoova, kɛ n wo kunman’n i bo mmua kpa lɔ’n, n kpan flɛli wɔ.+
2 Ee Zoova, tie min nɛn’n.
Fa ɔ su sie i srɛlɛ tankaan mɔ n srɛ ɔ kɛ a uka min’n i bo.
3 ?Ee Ya,* sɛ ɔ ti kɛ e fɔnlɛ’m be su yɛ a fa ɔ ɲin sie sa’n,nn Zoova, wan yɛ ɔ kwla jran ɔ ɲrun-ɔn?+
4 Afin ɔ wun lɔ yɛ sa yaci cɛlɛ kpafuɛ’n wo-ɔ,+kɛ ɔ ko yo naan be ɲin w’a yi wɔ dan’n ti.*+
5 N fa min wla’n n gua Zoova su, min bɔbɔ ba wunmuan’n n fa min wla n guɛ i su.
N minndɛ i ndɛ’n.
6 N minndɛ Zoova kpa.+
N minndɛ i kpa tra gladi difuɛ mɔ be minndɛ kpa kɛ aliɛ’n cɛn’n.+
Nanwlɛ, n minndɛ i kpa tra gladi difuɛ mɔ be minndɛ kpa kɛ aliɛ’n cɛn’n.
7 Maan Izraɛli minndɛ Zoova,afin Zoova klo sran guɛ i ti nin i bo,+yɛ i tinmin m’ɔ fa kpɔ sran ti’n, ɔ ti dan.
8 Ɔ́ wá kpɔ́ Izraɛli i ti i fɔnlɛ’m be kwlaa be nun.
