Jue Mun 118:1-29
118 Amun la Zoova i ase, afin ɔ ti kpa.+
I sran klolɛ dan’n wieman le.
2 Siɛn’n, maan Izraɛli se kɛ:
“I sran klolɛ dan’n ɔ́ ká lɛ tititi.”
3 Siɛn’n, maan Aarɔn i awlo’n nunfuɛ’m be se kɛ:
“I sran klolɛ dan’n ɔ́ ká lɛ tititi.”
4 Siɛn’n, maan be nga be sro Zoova’n be se kɛ:
“I sran klolɛ dan’n ɔ́ ká lɛ tititi.”
5 Blɛ mɔ n wo ɲrɛnnɛn nun’n, n kpan flɛli Ya,*
Ya tɛli min su, yɛ ɔ fa min ɔli lika kun mɔ sa fi su ɲanman min lɔ’n* nun.+
6 Zoova o min sin, srɛ su kunman min.+
?Ngue yɛ klɔ sran kwla yo min-ɔn?+
7 Zoova o min sin, ɔ ti min ukafuɛ.*+
Kɛ be nga be kpɔ min’n bé tɔ́’n, ń nían be.+
8 Sɛ sran kun fia Zoova sin’n,ɔ ti kpa tra kɛ ɔ fɛ i wla gua klɔ sran’m be su’n.+
9 Sɛ sran kun fia Zoova sin’n,ɔ ti kpa tra kɛ ɔ fɛ i wla gua sran dandan’m be su’n.+
10 Nvlenvle’m be kwlaa be bo sin yiali min,sanngɛ Zoova dunman nun’n,
n kpaloli be n yili be lɔ.+
11 Be bo sin yiali min, be bo sin yiali min sakpa,sanngɛ Zoova dunman nun’n,
n kpaloli be n yili be lɔ.
12 Be bo sin yiali min kɛ awɛma mun sa,
sanngɛ be wieli ndɛndɛ kpa kɛ owieowie susrɛ nun sin sa.
Zoova i dunman nun’n,
n kpaloli be n yili be lɔ.+
13 Be suli min bo kekle kpa* naan n tɔ,sanngɛ Zoova ukali min.
14 Ya ti min fiawlɛ nin min wunmiɛn,yɛ ɔ kacili min defuɛ.+
15 Aklunjɔɛ kpanlɛ’n nin ti ɲanlɛ kpanlɛ’n
be o sran kpa’m be tannin sua’m be nun.
Zoova i sa fama’n su yi tinmin ng’ɔ le i’n i nglo.+
16 Zoova i sa fama’n su mɛnmɛn i bɔbɔ wun,Zoova i sa fama’n su yi tinmin ng’ɔ le i’n i nglo.+
17 N su wuman, cɛcɛ, ń trán nguan nun,kɛ ɔ ko yo naan m’an kan sa nga Ya yo be’n bendɛ’n ti.+
18 Ya tuli min fɔ kekle kpa,+sanngɛ w’a faman min w’a wlaman wie’n i sa nun.+
19 Tike sa kpa yolɛ’n i anuan mun man min,+ń má sín be nun, kpɛkun ń mánmán Ya.
20 Zoova i anuan’n yɛ.
Sran kpa’m bé sín nun.+
21 Ń mánmán wɔ, afin atɛli min su,+yɛ a kacili min defuɛ.
22 Yɔbuɛ nga sua kplanfuɛ’m be yili i blo’n
w’a kaci sua’n i cɔnjɔ su yɔbuɛ cinnjin kpafuɛ’n.+
23 I sɔ’n fin Zoova,+ɔ ti abonuan sa e ɲrun.+
24 Cɛn nga Zoova sieli’n yɛ.
Cɛn sɔ’n nun’n, e klun jɔ́, yɛ é dí aklunjɔɛ.
25 Zoova, yaci, é srɛ́ wɔ kpa, de e!
Zoova, yaci, yo maan e ɲan kwlalɛ!
26 Sran ng’ɔ ba Zoova i dunman nun’n i liɛsu ti ye.+
Kɛ e o Zoova i sua’n nun lɔ’n, e bo muae e man amun.
27 Zoova ti Ɲanmiɛn,ɔ man e kannin.+
Maan amun fa waka sama mun naan amun nin be nga be su di cɛn’n be wɔ likawlɛ,+lele amun ju tɛ yiwlɛ’n i nnɛn wɛ’m be su lɔ.+
28 A ti min Ɲanmiɛn, yɛ ń mánmán wɔ.
Min Ɲanmiɛn, ń yí wɔ ayɛ.+
29 Amun la Zoova i ase,+ afin ɔ ti kpa.
I sran klolɛ dan’n ɔ́ ká lɛ tititi.+
