Isaya 60:1-22
60 “Simama, Ee mwanamuke,+ toa mwangaza, kwa maana mwangaza wako umekuja.
Utukufu wa Yehova unakuangazia.+
2 Kwa maana, angalia! giza litafunika duniaNa weusi muzito utafunika mataifa;Lakini Yehova atakuangazia,Na utukufu wake utaonekana juu yako.
3 Mataifa yataenda kwenye mwangaza wako,+Na wafalme+ kwenye utukufu wako wenye kungaa.*+
4 Inua macho yako na uangalie pande zote kukuzunguka!
Wote wamekusanywa; wanakuja kwako.
Watoto wako wanaume wanaendelea kuja kutoka mbali sana,+Na watoto wako wanamuke wakiwa wametegemezwa kwenye kiuno.+
5 Wakati huo utaona na kungaa,+Na moyo wako utapiga na kujaa sana,Kwa sababu utajiri wa bahari utaelekezwa kwako;Mali za mataifa zitakuja kwako.+
6 Makundi ya ngamia yatafunika inchi yako,*Ngamia-dume wadogo wa Midiani na Efa.+
Wale wote wenye kutoka Sheba—watakuja;Watabeba zahabu na ubani.
Watatangaza sifa za Yehova.+
7 Makundi yote ya Kedari+ yatakusanywa kwako.
Kondoo-dume wa Nebayoti+ watakutumikia.
Watakuja kwenye mazabahu yangu wakiwa wamekubaliwa,+Na nitapamba nyumba yangu yenye utukufu.*+
8 Ni nani hawa wenye wanakuja wakiruka kama mawingu,Kama njiwa kwenye nyumba zao?*
9 Kwa maana visiwa vitanitumainia;+Mashua* za Tarshishi zinaongoza,*Kuleta watoto wako wanaume kutoka mbali,+Wakiwa na feza yao na zahabu yao,Kwa ajili ya jina la Yehova Mungu wako na kwa Mutakatifu wa Israeli,Kwa maana atakutukuza.*+
10 Wageni watajenga kuta zako,Na wafalme wao watakutumikia,+Kwa maana nilikupiga katika kasirani yangu kali,Lakini kwa wema wangu* nitakuonyesha rehema.+
11 Milango yako mikubwa itakuwa wazi kila wakati;+Haitafungwa muchana wala usiku,Ili kukuletea mali za mataifa,Na wafalme wao wataongoza.+
12 Kwa maana taifa lolote na ufalme wowote wenye hautakutumikia utaangamia,Na mataifa yataharibiwa kabisa.+
13 Utukufu wa Lebanoni utakuja kwako,+Muti wa muberoshi, muti wa mutizari, na muti wa muvinje pamoja,+Ili kupamba patakatifu pangu;Nitatukuza mahali pa miguu yangu.+
14 Wana wa wale wenye walikukandamiza watakuja na kuinama mbele yako;Wale wote wenye kukutendea bila heshima watainama kwenye miguu yako,Na watakuita muji wa Yehova,Sayuni ya Mutakatifu wa Israeli.+
15 Kuliko kuwa mwenye aliachwa na kuchukiwa, bila mutu mwenye kupita ndani yako,+Nitakufanya kuwa kiburi cha milele,Chanzo cha shangwe katika vizazi vyote.+
16 Na kwa kweli utakunywa maziwa ya mataifa,+Utanyonya maziwa ya wafalme;+Na hakika utajua kwamba mimi, Yehova, ni Mwokozi wako,Na Mwenye Nguvu wa Yakobo ni Mukombozi wako.+
17 Pa nafasi ya shaba nitaleta zahabu,Na pa nafasi ya chuma nitaleta feza,Pa nafasi ya mbao, shaba,Na pa nafasi ya majiwe, chuma;Na nitaweka amani kuwa waangalizi wakoNa haki kuwa watu wako wa kugawa kazi.+
18 Jeuri haitasikiwa tena katika inchi yakoWala maangamizi na uharibifu katika mipaka yako.+
Na utaita kuta zako Wokovu+ na milango yako mikubwa Sifa.
19 Kwa maana jua halitakuwa tena mwangaza wako wakati wa muchana,Wala mwangaza wa mwezi hautakuangazia,Kwa maana Yehova atakuwa mwangaza wako wa milele,+Na Mungu wako atakuwa uzuri wako.+
20 Jua lako halitashuka tena,Wala mwezi wako hautafifia,Kwa maana Yehova atakuwa mwangaza wako wa milele,+Na siku zako za kuomboleza zitakuwa zimeisha.+
21 Na watu wako wote watakuwa wenye haki;Watariti inchi milele,Wao ndio chipukizi lenye nilipanda,Kazi ya mikono yangu,+ ili nipambwe.+
22 Mudogo atakuwa elfu (1 000)Na mutu wa hali ya chini atakuwa taifa lenye nguvu.
Mimi mwenyewe, Yehova, nitaharakisha jambo hilo kwa wakati wake.”
