Isaya 52:1-15

  • Amuka, Ee Sayuni! (1-12)

    • Miguu yenye kupendeza ya wale wenye kuleta habari njema (7)

    • Walinzi wa Sayuni wanapandisha sauti zao pamoja (8)

    • Wale wenye kubeba vyombo vya Yehova wanapaswa kuwa safi (11)

  • Mutumishi wa Yehova atainuliwa (13-15)

    • Sura yenye kuharibika (14)

52  Amuka! Amuka! Uvae nguvu,+ Ee Sayuni!+ Vaa nguo zako zenye kupendeza,+ Ee Yerusalemu, muji mutakatifu! Kwa maana mutu mwenye hatahiriwe na mutu mwenye haiko safi hawataingia ndani yako tena.+   Kunguta mavumbi, simama na ukae, Ee Yerusalemu. Regeza minyororo yenye kuwa kwenye shingo yako, Ee binti ya Sayuni mwenye amekamatwa mateka.+   Kwa maana Yehova anasema hivi: “Ninyi muliuzishwa bure,+Na mutakombolewa bila feza.”+   Kwa maana Bwana Mwenye Mamlaka Makubwa Zaidi Yehova anasema hivi: “Pale mwanzo watu wangu waliteremuka kuenda Misri ili waishi kule wakiwa wageni;+Kisha Ashuru ikawakandamiza bila sababu.”   “Basi, nifanye nini hapa?” ni vile Yehova anasema. “Kwa maana watu wangu walikamatwa bure. Wale wenye kuwatawala wanaendelea kufanya makelele ya ushindi,”+ ni vile Yehova anasema,“Na kila wakati, muchana wote, jina langu linavunjiwa heshima.+   Kwa sababu hiyo watu wangu watajua jina langu;+Kwa sababu hiyo watajua siku hiyo kwamba mimi Ndiye ninasema. Angalia! Ni mimi!”   Ni yenye kupendeza sana juu ya milima, miguu ya mutu mwenye kuleta habari njema,+Mwenye kutangaza amani,+Mwenye kuleta habari njema za jambo la muzuri zaidi,Mwenye kutangaza wokovu,Mwenye kuambia Sayuni: “Mungu wako amekuwa Mufalme!”+   Sikiliza! Walinzi wako wanapandisha sauti yao. Wanapiga vigelegele vya shangwe pamoja,Kwa maana wataona jambo hilo waziwazi* wakati Yehova atakusanya tena Sayuni.   Muchangamuke, mupige pamoja vigelegele vya shangwe, ninyi mabomoko ya Yerusalemu,+Kwa maana Yehova amefariji watu wake;+ amekomboa Yerusalemu.+ 10  Yehova ameonyesha waziwazi mukono wake mutakatifu mbele ya macho ya mataifa yote;+Miisho yote ya dunia itaona matendo ya wokovu ya* Mungu wetu.+ 11  Mugeuke, mugeuke, mutoke kule,+ musiguse kitu chochote kichafu!+ Mutoke katikati yake,+ mujilinde mukiwa safi,Ninyi wenye kubeba vyombo vya Yehova.+ 12  Kwa maana hamutaondoka mukiwa na woga mukubwa,Wala hamutahitaji kukimbia.Kwa maana Yehova ataenda mbele yenu,+Na Mungu wa Israeli atakuwa mulinzi wenu wa nyuma.+ 13  Angalia! Mutumishi wangu+ atatenda kwa ufahamu. Atainuliwa juu,Atainuliwa na kutukuzwa sana.+ 14  Kama vile kulikuwa wengi wenye walimuangalia kwa mushangao—Kwa maana sura yake ilikuwa imeharibiwa kuliko ya mwanadamu yeyoteNa umbo yake ya heshima ilikuwa imeharibiwa kuliko ya wanadamu⁠— 15  Basi atashitua mataifa mengi.+ Wafalme watafunga vinywa vyao* mbele yake,+Kwa sababu wataona mambo yenye hawakukuwa wameambiwa,Na kukazia uangalifu mambo yenye hawakukuwa wamesikia.+

Maelezo ya Chini

Ao “jicho kwa jicho.”
Ao “ushindi wa.”
Ao “watakosa la kusema.”