Isaya 53:1-12

  • Kuteseka, kufa, na kuzikwa kwa mutumishi wa Yehova (1-12)

    • Anazarauliwa na kuepukwa (3)

    • Anabeba magonjwa na maumivu (4)

    • “Kama kondoo mwenye anaenda kuchinjwa” (7)

    • Anabeba zambi za wengi (12)

53  Ni nani ameamini jambo lenye limesikiwa kutoka kwetu?*+ Na kuhusu mukono wa Yehova,+ umefunuliwa kwa nani?+   Atapanda kama tawi+ mbele yake,* kama muzizi kutoka katika inchi yenye kukauka. Hana umbo ya heshima, wala utukufu wowote;+Na wakati tunamuona, sura yake haituvute kwake.*   Alizarauliwa na kuepukwa na wanadamu,+Mutu mwenye alikusudiwa* kupata maumivu na mwenye alizoea magonjwa. Ilikuwa kama vile uso wake ulifichwa tusiuone.* Alizarauliwa, na hatukumuona kuwa mutu wa maana.+   Kwa kweli yeye mwenyewe alibeba magonjwa yetu,+Na kubeba maumivu yetu.+ Lakini tulimuona kama mutu mwenye alipata mapigo, mwenye alipigwa na Mungu na kuteswa.   Lakini alitobolewa kwa silaha+ kwa ajili ya ukosaji wetu;+Alikuwa anapondwa kwa ajili ya makosa yetu.+ Alibeba azabu kwa ajili ya amani yetu,+Na kwa sababu ya vidonda vyake tuliponyeshwa.+   Sisi wote tumetanga-tanga kama kondoo,+Kila mumoja amegeuka na kufuata njia yake,Na Yehova amefanya kosa la sisi wote likutane naye.+   Alikandamizwa+ na alijiacha ateswe,+Lakini hakukuwa anafungua kinywa chake. Alipelekwa kama kondoo mwenye anaenda kuchinjwa,+Kama kondoo-dike mwenye kuwa kimya mbele ya wenye kumukata manyoya,Na hakukuwa anafungua kinywa chake.+   Aliondolewa kwa sababu ya kizuizi* na hukumu;Na ni nani atajihangaisha na habari za kizazi chake?* Kwa maana aliondolewa katika inchi ya wazima;+Alipata pigo* kwa sababu ya kosa la watu wangu.+   Na alipewa kaburi* pamoja na waovu,+Na pamoja na matajiri* katika kifo chake,+Hata kama hakukuwa amefanya kosa*Na udanganyifu wowote haukukuwa katika kinywa chake.+ 10  Lakini yalikuwa mapenzi ya Yehova* kumuponda, na aliruhusu akuwe mugonjwa. Kama unatoa uzima wake* kuwa toleo la hatia,+Ataona uzao wake,* ataongeza siku zake,+Na kupitia yeye mapendezi* ya Yehova yatafanikiwa.+ 11  Kwa sababu ya uchungu wake,* ataona na kutosheka. Kupitia ujuzi wake, mwenye haki, mutumishi wangu,+Atafanya wengi wahesabiwe kuwa wenye haki;+Na atabeba makosa yao.+ 12  Kwa sababu hiyo nitamupatia fungu kati ya wengi,Na atagawa vitu vyenye vinachukuliwa katika vita pamoja na wenye nguvu,Kwa sababu alimwanga uzima wake* hata mupaka kifo+Na alihesabiwa kati ya wakosaji;+Alibeba zambi ya watu wengi,+Na alitetea wakosaji.+

Maelezo ya Chini

Ao pengine, “jambo lenye tulisikia.”
Pengine neno “yake” hapa linamaanisha mutu yeyote mwenye kuangalia ao Mungu.
Ao “hana sura ya pekee ili tumutamani.”
Ao “alielewa.”
Ao pengine, “Alikuwa kama mutu mwenye watu waligeuza nyuso zao wasimuone.”
Ao “ukandamizaji.”
Ao “namna yake ya kuishi.”
Ao “Aliuawa.”
Ao “Na mutu atatoa kaburi lake.”
Tnn., “mutu tajiri.”
Ao “jeuri.”
Ao “Yehova alifurahia.”
Ao “nafsi yake.”
Tnn., “mbegu yake.”
Ao “mapenzi.”
Ao “Kwa sababu ya maumivu ya nafsi yake.”
Ao “nafsi yake.”