Isaya 40:1-31
40 “Mufariji, mufariji watu wangu,” ni vile Mungu wenu anasema.+
2 “Museme na moyo wa Yerusalemu*Na kumutangazia kwamba utumishi wake wa kulazimishwa umetimizwa,Kwamba hatia yake imelipwa.+
Amepokea kutoka katika mukono wa Yehova kiasi kamili* kwa ajili ya zambi zake zote.”+
3 Sauti ya mutu mwenye kusema kwa sauti kubwa katika jangwa:
“Mufungue* njia ya Yehova!+
Mufanye njia kubwa yenye kunyooka+ katika jangwa kwa ajili ya Mungu wetu.+
4 Kila bonde liinuliwe,Na kila mulima na kilima vishushwe.
Udongo wenye matuta-matuta unapaswa kufanywa kuwa tambarare,Na udongo wenye majiwe-majiwe utakuwa bonde tambarare.+
5 Utukufu wa Yehova utafunuliwa,+Na miili yote itauona* pamoja,+Kwa maana kinywa cha Yehova kimesema.”
6 Sikiliza! Mutu fulani anasema: “Ita!”
Mwingine anauliza: “Niite nini?”
“Miili yote* ni majani ya mubichi,Upendo wao wote mushikamanifu ni kama yungiyungi la shamba.+
7 Majani ya mubichi yanakauka,Ua linakauka,+Kwa sababu pumuzi* ya Yehova inapuliza juu yake.+
Hakika watu ni majani ya mubichi.
8 Majani ya mubichi yanakauka,Ua linakauka,Lakini neno la Mungu wetu linadumu milele.”+
9 Panda juu ya mulima murefu,Wewe mwanamuke mwenye kuleta habari njema kwa ajili ya Sayuni.+
Pandisha sauti yako kwa nguvu,Wewe mwanamuke mwenye kuleta habari njema kwa ajili ya Yerusalemu.
Uipandishe, usiogope.
Tangazia miji ya Yuda: “Huyu ndiye Mungu wenu.”+
10 Angalia! Bwana Mwenye Mamlaka Makubwa Zaidi Yehova atakuja na nguvu,Na mukono wake utatawala kwa ajili yake.+
Angalia! Zawabu yake iko pamoja naye,Na mushahara wenye analipa uko mbele yake.+
11 Atatunza* kundi lake kama muchungaji.+
Atakusanya wana-kondoo kwa mukono wake,Na atawabeba kwenye kifua chake.
Atawaongoza kwa upole wale wenye kunyonyesha vitoto vyao.+
12 Ni nani amepima maji katika mukono wake,+Na kupima vipimo vya* mbingu kwa shubiri ya mukono wake?*
Ni nani amekusanya katika kipimo mavumbi ya dunia,+Ao kupima milima katika mizani?*
Na vilima katika vipimo?
13 Ni nani amepima* roho ya Yehova,Na ni nani anaweza kumufundisha akiwa mushauri wake?+
14 Aliomba nani mawazo ili apate uelewaji,Ao ni nani anamufundisha katika njia ya haki,Ao kumufundisha ujuzi,Ao kumuonyesha njia ya uelewaji wa kweli?+
15 Angalia! Mataifa ni kama tone kutoka katika mbeketi,Na yanaonwa kama mavumbi membamba kwenye mizani.*+
Angalia! Anainua visiwa kama mavumbi membamba.
16 Hata Lebanoni haitoshe ili kufanya moto uendelee kuwaka,*Na wanyama wake wa pori hawatoshe kwa ajili ya toleo la kuteketezwa.
17 Mbele yake mataifa yote ni kama kitu chenye hakiko;+Anayaona kuwa bure, kuwa kitu cha kuwazia-wazia tu.+
18 Munaweza kumulinganisha Mungu na nani?+
Munaweza kumufananisha na kitu gani?+
19 Fundi ametengeneza sanamu,*Na fundi wa metali anaifunika kwa zahabu,+Na kufua minyororo ya feza.
20 Anachagua muti fulani ukuwe muchango wake,+Muti wenye hautaoza.
Anatafuta fundi mwenye kujua kazi kabisa,Ili atayarishe sanamu ya kuchongwa yenye haitaanguka.+
21 Je, hamujue?
Je, hamujasikia?
Je, hamukuambiwa tangu mwanzo?
Je, hamujaelewa tangu kuwekwa misingi ya dunia?+
22 Kuko Ule mwenye kukaa juu ya muviringo wa dunia,+Na wakaaji wake ni kama panzi,Anatandika mbingu kama nguo nyembamba sana,Na kuzitandika kama hema ya kuishi ndani.+
23 Anafanya maofisa wakubwa kuwa bureNa kufanya waamuzi* wa dunia kuwa kitu cha kuwazia-wazia tu.
24 Hawapandwe kabisa,Hawatiwe kabisa katika udongo,Shina lao halijatia kabisa mizizi katika udongo.
Na wanapulizwa na kukauka,Na upepo unawapeperusha kama majani ya kukauka.+
25 “Munaweza kunifananisha na nani ili nikuwe sawa naye?” ni vile Mutakatifu anasema.
26 “Muinue macho yenu mbinguni na muone.
Ni nani ameumba vitu hivi?+
Ni Ule mwenye kutokeza jeshi lao kwa hesabu;Anaviita vyote kwa jina.+
Kwa sababu ya nguvu zake nyingi zenye musukumo na nguvu zake zenye kuogopesha,+Hakuna hata moja kati ya hizo yenye kukosekana.
27 Sababu gani unasema, Ee Yakobo, na sababu gani unatangaza, Ee Israeli,‘Njia yangu imefichwa ili Yehova asiione,Na sipate haki kutoka kwa Mungu’?+
28 Je, haujue? Je, haujasikia?
Yehova, Muumbaji wa miisho ya dunia, ni Mungu kwa umilele wote.+
Yeye hachokake wala kuishiwa nguvu.+
Uelewaji wake hauchunguzike.*+
29 Anapatia nguvu mutu mwenye kuchokaNa nguvu kamili wale wenye hawana nguvu.*+
30 Vijana wadogo watachoka na kuishiwa nguvu,Na vijana wanaume watajikwaa na kuanguka,
31 Lakini wale wenye kumutumainia Yehova watapata nguvu tena.
Wataruka juu kwa mabawa kama tai.+
Watakimbia na hawataishiwa nguvu;Watatembea na hawatachoka.”+
Maelezo ya Chini
^ Ao “Museme na Yerusalemu kwa njia yenye kufariji.”
^ Ao “amepokea mara mbili.”
^ Ao “Mutayarishe.”
^ Ao “wanadamu wote watauona.”
^ Ao “Wanadamu wote.”
^ Ao “roho.”
^ Ao “Atachunga.”
^ Ao “kilo.”
^ Shubiri ni urefu kati ya kidole kikubwa cha mukono na kidole kidogo cha mukono wakati mukono unakunjuliwa. Angalia Nyongeza B14.
^ Ao “ukubwa wa.”
^ Ao pengine, “ameelewa.”
^ Ao “kilo.”
^ Ao “haiwezi kutoa kuni za kutosha.”
^ Ao “sanamu ya kuyeyushwa.”
^ Ao “watawala.”
^ Ao “hauwezi kueleweka.”
^ Ao “nguvu zenye musukumo.”
