Isaija 63:1-19
63 Min hu dan li ġej minn Edom,Minn Bosra bi ħwejjeġ b’kuluri* jgħajtu,Li għandu ħwejjeġ sbieħU qed jimmarċja bil-qawwa kbira tiegħu?
“Hu jien, il-Wieħed li ngħid dak li hu sewwa,Il-Wieħed li għandi qawwa kbira biex insalva.”
2 Għala l-ħwejjeġ tiegħek huma ħomor,U għala l-ilbies tiegħek hu bħal taʼ dak li jagħsar l-għeneb?
3 “Jien għaffiġt l-għeneb għall-inbid waħdi.
Ma kien hemm ħadd miegħi mill-popli.
Bqajt ngħaffeġ l-għedewwa tiegħi waqt li kont irrabjat,U bqajt ngħaddi minn fuqhom waqt li kont inkorlat.
Il-ħwejjeġ tiegħi ċċappsu bid-demm tagħhom,U tebbajt l-ilbies kollu tiegħi.
4 Għax jien iddeċidejt meta* se nġib vendetta,U wasal iż-żmien* li nixtri lura lill-poplu tiegħi.
5 Fittixt, imma ma kien hemm ħadd min jgħin;Bqajt mistagħġeb kif ħadd m’offra l-għajnuna.
Għalhekk, irbaħt bis-saħħa tiegħi,U l-korla tiegħi stess għenitni.
6 Jien għaffiġt lin-nies meta kont irrabjat,Ġegħelthom jiskru bil-korla tiegħiU ferrajt id-demm tagħhom fl-art.”
7 Jien se nsemmi l-affarijiet li għamel Ġeħova bi mħabba u lealtà,*
Se nsemmi l-affarijiet taʼ min ifaħħarhom li għamel Ġeħova,Dak kollu li għamel Ġeħova għalina,Il-ħafna affarijiet tajbin li għamel għall-poplu t’Iżrael,Minħabba li hu ħanin u juri ħafna mħabba u lealtà.
8 Għax hu qal: “Infatti huma l-poplu tiegħi, it-tfal li se jkunu leali lejja.”*
Għalhekk, hu sar Dak li Jsalvahom.
9 Meta kienu qed ibatu, anki hu kien qed ibati.
U l-messaġġier persunali tiegħu* salvahom.
Peress li hu mħabba u ħanin, hu xtrahom luraU refagħhom u ġarrhom matul dawn is-snin kollha.
10 Imma huma rribellaw u dejqu lil Alla billi ħaduha kontra l-ispirtu qaddis tiegħu.*
Imbagħad, hu sar l-għadu tagħhomU ġġieled kontrihom.
11 Huma bdew jiftakru fil-passat,Fi żmien Mosè l-qaddej tiegħu, u qalu:
“Fejn hu l-Wieħed li ħariġhom mill-baħar flimkien mar-ragħajja tal-poplu tiegħu?
Fejn hu l-Wieħed li ta l-ispirtu qaddis tiegħu lil Mosè?*
12 Fejn hu l-Wieħed li ggwida lil Mosè bil-qawwa kbira Tiegħu,*Li qasmilhom l-ilmijiet quddiemhomU li għamel isem għalih innifsu, li jibqaʼ mfakkar għal dejjem?
13 Fejn hu l-Wieħed li mexxiehom minn ilmijiet għoljin,*Ħalli jkunu jistgħu jimxu bla tfixkilBħal żiemel fil-kampanja?*
14 Bħalma l-annimali jistrieħu meta jinżlu fil-pjanura tal-wied,L-ispirtu taʼ Ġeħova tahom il-mistrieħ.”
Int hekk mexxejt lill-poplu tiegħek,Biex tagħmel isem glorjuż* għalik innifsek.
15 Ħares ’l isfel mis-sema,Mill-post qaddis u glorjuż tiegħek li qiegħed fl-għoli.
Għala m’għadekx tagħti iktar kas u tuża l-qawwa tiegħek,U ma titħassarniex u turi ħniena?
16 Għax int Missierna;Għalkemm Abraham forsi ma jafniexU Iżrael forsi ma jagħrafniex,Int, Ġeħova, Missierna.
Int Dak li Xtrajtna Lura żmien twil ilu.
17 Ġeħova, għala tħallina* nitbiegħdu mit-triqat tiegħek?
Għala tħallina* nwebbsu rasna, u b’hekk ma nirrispettawkx?*
Erġaʼ urina ħniena, għax aħna l-qaddejja tiegħek,Il-poplu li hu l-wirt tiegħek.
18 Il-poplu qaddis tiegħek kellu l-art għal żmien qasir.
L-għedewwa tagħna għaffġu taħt saqajhom is-santwarju tiegħek.
19 Għal ħafna żmien, aħna sirna bħal dawk li int qatt ma mexxejt fuqhom,Bħal dawk li qatt ma ssejħu b’ismek.
Noti taʼ taħt
^ Jew forsi “ħomor.”
^ Letteralment “il-jum meta.”
^ Letteralment “waslet is-sena.”
^ Jew “imħabba leali.” Ara Termini tal-Bibbja Spjegati.
^ Jew “mhux se jitraduni.”
^ Jew “l-anġlu li ġie minn ħdejh.”
^ Jew “nikktu l-ispirtu qaddis tiegħu.”
^ Letteralment “li poġġa fih l-ispirtu qaddis Tiegħu?”
^ Jew “li l-id glorjuża tiegħu kienet mal-id il-leminija taʼ Mosè.”
^ Jew “fondi.”
^ Jew “fid-deżert?”
^ Jew “sabiħ.”
^ Jew “iġġegħelna.”
^ Jew “iġġegħelna.”
^ Letteralment “ma nibżgħux minnek?”
