Isaija 40:1-31
40 L-Alla tagħkom jgħid, “Inkuraġġixxu, inkuraġġixxu lill-poplu tiegħi.
2 Kellmu lil Ġerusalemm biex tilħqulha qalbha,U għidulha li x-xogħol taʼ bilfors tagħha tlesta,Li hi pattiet għall-ħtija tagħha.
Hi rċiviet il-kastig kollu għad-dnubiet tagħha mingħand Ġeħova.”
3 Instemaʼ leħen fid-deżert:
“Ippreparaw it-triq taʼ Ġeħova!
Agħmlu triq prinċipali għall-Alla tagħna li tgħaddi mid-deżert.
4 Ħa jimtela kull wied,U jitbaxxew kull muntanja u għolja.
L-art imħarbta għandha tiġi nvellata,U l-art mimlija ġebel illixxata.
5 Imbagħad se tintwera l-glorja taʼ Ġeħova,U n-nies kollha se jarawha,Għax dan qalu Ġeħova.”
6 Ismaʼ! Xi ħadd qed jgħid: “Għajjat!”
U ieħor staqsa: “X’se ngħajjat?”
“In-nies kollha huma bħal ħaxix.
L-imħabba u l-lealtà* tagħhom huma bħall-fjuri tal-għelieqi.
7 Il-ħaxix jinxefU l-fjuri jidbielu,Għax Ġeħova* jonfoħ fuqhom.
In-nies żgur li huma bħal ħaxix.
8 Il-ħaxix jinxefU l-fjuri jidbielu,Imma l-kelma t’Alla tagħna tibqaʼ għal dejjem.”
9 Itlaʼ fuq muntanja għolja,Mara li qed iġġib aħbar tajba għal Sijon.
Għolli leħnek sew,Mara li qed iġġib aħbar tajba għal Ġerusalemm.
Għolli leħnek. Tibżax.
Għid lill-bliet taʼ Ġuda: “Hawn hu l-Alla tagħkom.”
10 Ġeħova s-Sid taʼ Kollox* se jiġi u juri s-saħħa tiegħu.
Hu se jmexxi bil-qawwa t’idu.
Il-premju li se jagħti qiegħed għandu,U l-paga li se jagħti qiegħda quddiemu.
11 Hu se jieħu ħsieb* il-merħla tiegħu bħal ragħaj,
Jiġbor il-ħrief b’idu,U jġorrhom viċin qalbu.*
Hu jmexxi bi ħlewwa lil dawk li jitimgħu lill-frieħ tagħhom.
12 Min jistaʼ jżomm l-ilmijiet kollha fil-pala t’idu,U jkejjel is-sema b’xiber?*
Min jistaʼ jiġbor it-trab tal-art kollha f’kejla,*Jew jiżen il-muntanji u l-għoljiet f’miżien?
13 Min jistaʼ jkejjel* l-ispirtu taʼ Ġeħova,U min jistaʼ jgħallmu u jagħtih il-pariri?
14 Mingħand min ħa parir biex ikun jistaʼ jifhem,Jew min għallmu jagħmel dak li hu ġust,Jew tah l-għarfien,Jew urieh kif għandu jifhem verament?
15 Il-popli huma bħal qatra f’barmil,U jitqiesu bħal kisja trab f’miżien.
Hu jgħolli l-gżejjer bħal trab fin.
16 Lanqas is-siġar tal-Libanu mhuma biżżejjed biex iżommu n-nar tal-artal jaqbad,U l-annimali slavaġ tiegħu mhumiex biżżejjed għall-offerta tal-ħruq.
17 Il-popli kollha huma bħal xi ħaġa li ma teżistix quddiemu,Hu jqishom li mhuma xejn, li mhumiex vera.
18 Maʼ min tistgħu tqabbluh lil Alla?
Maʼ xiex tistgħu xxebbhuh?
19 Il-ħaddiem tas-sengħa jagħmel idolu,*Il-ħaddied jiksih bid-dehebU jaħdem ktajjen tal-fidda.
20 Raġel jagħżel siġra li ma titmermirxBiex jagħmel idolu.
Hu jfittex ħaddiem tas-sengħaBiex jipprepara statwa skolpita li ma tinqelibx.
21 Ma tafux?
Ma smajtux?
Ma qalulkomx mill-bidu dwar dan?
Ma fhimtux l-evidenza li ilha hemm minn meta tqiegħdu l-pedamenti tal-art?
22 Hemm Wieħed li jgħix ’il fuq miċ-ċirku* tal-art,U dawk li joqogħdu fiha huma bħall-ġurati.
Hu qed iġebbed is-sema bħal drapp fin,U jifrixha bħal tinda li toqgħod fiha.
23 Hu jġib fix-xejn l-awtorità tal-uffiċjali taʼ pożizzjoni għolja,U jagħmel lill-imħallfin* tal-art ma jiswew għal xejn.
24 Huma bħal pjanti li għadhom kemm ġew imħawlin,Bħal żerriegħa li għadha kemm ġiet miżrugħa,U z-zokk tagħhom bilkemm jilħaq jagħmel l-għeruq,Li ma jonfoħx ir-riħ fuqhom, inixxifhom, u jtajjarhom bħat-tiben.
25 Il-Qaddis jgħid: “Min hu daqsi biex tqabbluh miegħi?
26 Ħarsu lejn is-sema.
Min ħalaqhom l-istilel kollha?
Il-Wieħed li joħroġhom bħal armata u li jgħoddhom waħda waħda;Hu jgħajtilhom kollha b’isimhom.
Peress li għandu ammont kbir t’enerġija* u saħħa tal-għaġeb,Kollha qegħdin posthom.
27 Ġakobb, Iżrael, għala tgħid,‘Ħajti hi moħbija minn Ġeħova,Alla jinjora l-inġustizzji li għaddej minnhom’?
28 Ma tafx? Ma smajtx?
Ġeħova, il-Ħallieq taʼ kulma hawn fuq l-art, hu Alla għal dejjem.
Hu qatt ma jegħja jew ikun bla saħħa.
Ħadd ma jistaʼ jifhem l-għerf tiegħu.*
29 Hu jagħti s-saħħa lil min hu għajjienU qawwa kbira lil min m’għandux saħħa.
30 It-tfal se jegħjew u jkunu bla saħħa,U l-ġuvintur se jitfixklu u jaqgħu,
31 Imma dawk li jittamaw f’Ġeħova se jerġaʼ jkollhom is-saħħa.
Huma se jogħlew bil-ġwienaħ bħall-ajkli.
Se jiġru u ma jkunux bla saħħa;Jimxu u ma jegħjewx.”
Noti taʼ taħt
^ Jew “l-imħabba leali.” Ara Termini tal-Bibbja Spjegati.
^ Jew “l-ispirtu taʼ Ġeħova.”
^ Jew “Il-Mulej Sovran Ġeħova.”
^ Jew “se jirgħa.”
^ Letteralment “f’ħobbu.”
^ Jew “f’reċipjent żgħir.”
^ Jew forsi “jifhem.”
^ Jew “statwa minn metall imdewweb.”
^ Jew “mill-isfera.”
^ Jew “lill-mexxeja.”
^ Jew “abbundanza t’enerġija attiva.”
^ Jew “l-abbiltà tiegħu li jifhem.”
