Isaija 4:1-6
4 U dakinhar sebaʼ nisa se jaqbdu raġel u jgħidulu:
“Aħna se nieklu l-ħobż tagħnaU se nilbsu l-ħwejjeġ tagħna,Imma ħallina nissejħu b’ismekBiex ma nibqgħux niġu ddiżonorati.”*
2 Dakinhar, dak li Ġeħova jnibbet se jkun mill-isbaħ u glorjuż, u għall-Iżraelin li jibqgħu ħajjin, il-prodott tal-art se jkun sabiħ u jkunu kburin bih.
3 Kull min jibqaʼ f’Sijon u Ġerusalemm se jissejjaħ qaddis. Dawk kollha f’Ġerusalemm huma miktubin biex jgħixu hemm.
4 Ġeħova se jaħsel il-ħmieġ tan-nies taʼ Sijon u jlaħlaħ id-demm li ġie mxerred ġo Ġerusalemm. Hu se jiġġudika lil Ġerusalemm u juri kemm hu rrabjat għaliha.*
5 Ukoll, fuq il-Muntanja Sijon u fuq il-post tal-konvenzjonijiet, Ġeħova se joħloq sħaba u duħħan binhar, u fjamma nar qawwija billejl. U fuq il-post glorjuż kollu se jkun hemm il-kenn.
6 U se jkun hemm tinda* għad-dell mis-sħana taʼ matul il-ġurnata u għall-kenn u l-protezzjoni mill-maltemp u x-xita.
Noti taʼ taħt
^ Jiġifieri jiġu umiljati għax mhux miżżewġin u m’għandhomx tfal.
^ Jew “u jnaddafha.”
^ Letteralment “għarix.”
