Isaija 62:1-12
-
L-isem ġdid taʼ Sijon (1-12)
62 Minħabba Sijon, mhux se nibqaʼ b’ħalqi magħluq,U minħabba Ġerusalemm, mhux se nibqaʼ bi kwietiSakemm il-ġustizzja tagħha tiddi bħal dawl qawwi,U s-salvazzjoni tagħha taħraq bħal torċa.
2 “Mara, il-popli se jaraw il-ġustizzja tiegħekU r-rejiet kollha l-glorja tiegħek.
Se jgħajtulek b’isem ġdid,Li se jagħżlu Ġeħova stess.
3 Int se ssir bħal kuruna taʼ sbuħija f’id Ġeħova,U bħal turban taʼ re fil-pala t’id l-Alla tiegħek.
4 Mhux se jibqgħu jsejħulek mara abbandunata,U l-art tiegħek mhux se tibqaʼ msejħa ħerba.
Imma int tissejjaħ L-Għaxqa Tiegħi Hi Fiha,U l-art tiegħek se tissejjaħ Il-Miżżewġa.
Għax Ġeħova se jieħu pjaċir bik,U l-art tiegħek se tkun bħal waħda miżżewġa.
5 Għax bħalma żagħżugħ jiżżewweġ verġni,In-nies tiegħek se jiżżewġu lilek.
L-Alla tiegħek se jifraħ bikBħalma għarus jifraħ bl-għarusa.
6 Ġerusalemm, jien qegħedt l-għassiesa fuq is-swar tiegħek.
Minn filgħodu sa filgħaxija, dawn m’għandhomx jibqgħu siekta.
Intom li ssemmu lil Ġeħova,Tistriħux
7 U ibqgħu itolbu lilu sakemm jistabbilixxi lil Ġerusalemm b’mod sod,Iva, sakemm dawk fuq l-art ifaħħruha.
8 Ġeħova ħalef b’idu l-leminija, bl-id b’saħħitha tiegħu:
“Jien mhux se nagħti iktar iċ-ċereali* tiegħek lill-għedewwa tiegħek,U l-barranin mhux se jixorbu l-inbid ġdid tiegħek, li tħabatt għalih.
9 Imma dawk li jiġbru ċ-ċereali se jikluh u jfaħħru lili, Ġeħova;U dawk li jaqtgħu l-għeneb se jixorbu l-inbid fil-btieħi qaddisin tiegħi.”
10 Għaddu, għaddu mill-bibien.
Agħmlu l-wisaʼ għan-nies.
Agħmlu t-triq prinċipali.
Neħħulha l-ġebel.
Għollu arblu bħala sinjal għall-popli.
11 Ġeħova xandar sa truf l-art:
“Għidu lill-belt taʼ Sijon,‘Se tiġu salvati.
Il-premju li se jagħti qiegħed għandu,U l-paga li se jagħti qiegħda quddiemu.’”
12 Huma se jissejħu l-poplu l-qaddis, dawk li nxtraw lura minn Ġeħova,U int se tissejjaħ Imfittxija, Belt Mhux Abbandunata.
Noti taʼ taħt
^ Ċereali huma żrieragħ li jinkludu xgħir (barley) u qamħ.
