Isaija 33:1-24
33 Ħażin għalik, int li teqred lil oħrajn u li għadek ma nqridtx;Int li tqarraq u li ma ġejtx imqarraq!
Meta tieqaf teqred lil oħrajn, int se tiġi meqrud.
Meta tieqaf tqarraq, int se tiġi mqarraq.
2 Ġeħova, ħenn għalina.
Aħna nittamaw fik.
Saħħaħna kull filgħodu,U salvana fi żmien taʼ tbatija.
3 In-nies jaħarbu meta jisimgħu ħoss qawwi.
Meta tieħu azzjoni, il-ġnus jinfirxu.
4 Bħalma l-ġurati jkaxkru kulma jsibu quddiemhom, hekk se tiġi mkaxkra l-priża tagħkom.
In-nies se jaqbżu fuqha bħal ħafna ġurati.
5 Ġeħova se jiġi mfaħħar,Għax hu jgħix fis-sema.
Hu se jgħin lin-nies taʼ Sijon jaġixxu bil-ġustizzja.
6 Hu l-wieħed li jipproteġikom.
Dak li hu taʼ valur kbirHu l-mod tal-għaġeb kif qed isalvakom, l-għerf u l-għarfien li qed jagħtikom, u r-rispett kbir* li għandkom għal Ġeħova.
7 L-irġiel kuraġġużi tagħhom qed jgħajtu fit-triq;Il-messaġġiera tal-paċi jibku fuq li jibku.
8 It-toroq prinċipali vojta;Ħadd ma jgħaddi mit-toroq.
L-għadu kiser il-patt;Hu ma jinteressahx mill-bliet,U ma jagħti kas taʼ ħadd.
9 L-art tibki* u tispiċċa fix-xejn.
Il-Libanu qed jistħi għax spiċċa fix-xejn.
Is-Saron saret bħad-deżert,U l-Basan u l-Karmel qed iwaqqgħu l-weraq tagħhom.
10 Ġeħova jgħid: “Issa se nieħu azzjoni,Issa se nuri s-saħħa tiegħiU se nigglorifika lili nnifsi.
11 Il-pjanijiet tagħkom u dak li tagħmlu ma jiswew għal xejn bħal ħaxix niexef u tiben.
L-attitudni ħażina tagħkom se tiblagħkom bħan-nar.
12 Il-popli se jsiru bħal dak li jifdal mill-ġir maħruq.
Se jinħarqu bħax-xewk maqtugħ.
13 Intom li qegħdin ’il bogħod, isimgħu x’se nagħmel!
U intom li qegħdin qrib, agħrfu s-saħħa tiegħi.
14 Il-midinbin* f’Sijon imwerwrin;L-apostati qed jitriegħdu u jgħidu:
‘Min minna jistaʼ jgħix fejn in-nar qed jiblaʼ kollox?
Min minna jistaʼ jgħix fin-nirien li ma jintfewx?’
15 Il-wieħed li l-ħin kollu jagħmel dak li hu tajjeb,Li jgħid il-verità,Li jirrifjuta qligħ diżonest u bil-qerq,Li ma jaċċettax tixħim,*Li ma jismax il-pjanijiet għal qtil,U li jagħlaq għajnejh biex ma jarax il-ħażen
16 Se jgħix fl-għoli;U l-post taʼ protezzjoni* tiegħu se jkun fi blat li diffiċli biex jintlaħaq.
Hu dejjem se jkollu l-ħobż,U l-ilma qatt mhu se jispiċċalu.”
17 Intom se taraw re fl-aqwa tiegħu;Se taraw art ’il bogħod.
18 Se tiftakru f’dan* iż-żmien tal-biżaʼ u tistaqsu lilkom infuskom:
“Fejn hu s-segretarju?
Fejn hu dak li jħallas it-taxxa?
Fejn hu dak li jgħodd it-torrijiet?”
19 Mhux se taraw iżjed nies arroganti,Nies li l-lingwa tagħhom ma tifhimhiex,Li meta jitkellmu jinstemgħu qed itemtmu u ma tifhimhomx.
20 Ħarsu lejn Sijon, il-belt fejn niċċelebraw il-festi tagħna!
Se taraw li Ġerusalemm hi post li fih tgħix fil-paċi,Tinda li qatt mhu se tiċċaqlaq.
L-imsiemer tagħha qatt mhu se jinqalgħu,U l-ħbula tagħha mhux se jinqatgħu.
21 Hemmhekk, il-Maestuż Ġeħova,Se jipproteġina bħalma x-xmajjar u l-kanali wesgħin jipproteġu belt.
Fejn l-ebda vapur tal-gwerra ma jmur,U l-ebda vapur tal-għaġeb ma jgħaddi minn hemm.
22 Għax Ġeħova hu l-Imħallef tagħna,Ġeħova hu l-Wieħed li Jagħtina l-Liġi,Ġeħova hu r-Re tagħna;Hu l-Wieħed li se jsalvana.
23 Il-ħbula tal-vapuri tal-għadu se jiddendlu;Ma jistgħux iżommu l-arblu wieqaf u lanqas jiftħu l-qlugħ.
Dak iż-żmien, se tinqasam priża kbira;Anki min izappap se jieħu ħafna ġid.
24 U ħadd minn dawk li jgħixu hemm ma jgħid: “Jien marid.”
In-nies li jgħixu fl-art se jinħafrilhom l-iżball tagħhom.
Noti taʼ taħt
^ Letteralment “il-biżaʼ.”
^ Jew forsi “nixfet.”
^ Jew “In-nies li jagħmlu d-dnub.”
^ Jew “Li jwarrab idejh biex ma jixxaħħamx.”
^ Jew “il-post fl-għoli taʼ sigurtà.”
^ Jew “F’qalbkom se timmeditaw dwar dan.”
