Isaija 29:1-24
29 “Ħażin għal Arjel,* il-belt fejn David ikkampja!
Komplu ċċelebraw il-festi tagħkomSena wara sena.
2 Imma jien se nġib inkwiet fuq Arjel,U se jkun hemm dwejjaq u biki,U għalija hi se ssir bħal artal.
3 Jien se nikkampja minn kull naħa biex niġġieled kontrik,U se nassedjak b’ħajt taʼ zkuk ippontatiU se ntellaʼ kontrik strutturi tal-assedju.
4 Int se tkun umiljat u mitfugħ fl-art;U minn hemm se titkellem,U minħabba t-trab, kliemek mhux se jkun ċar.
Leħnek se jiġi mill-art,Bħal-leħen tal-medjum tal-ispirti,U kliemek ikun bħal tpespis mit-trab.
5 Il-folla tal-għedewwa* tiegħek se jkunu bħal trab fin,Il-folla tat-tiranni se tkun bħal qoxra taʼ żerriegħa li tittajjar.
U dan se jiġri f’ħakka t’għajn, f’daqqa waħda.
6 Jien, Ġeħova tal-armati se nipproteġikBir-ragħad, b’terremot, b’ħoss kbir,B’riefnu, b’tempesta, u bil-fjammi tan-nar li jeqirdu.”
7 Imbagħad il-folla tal-ġnus kollha li qed jiggwerraw kontra Arjel,Se jsiru bħal ħolma, viżjoni billejl.
Din il-folla hi dawk kollha li qed jiggwerraw kontriha,It-torrijiet tal-assedju kontra tagħha,U dawk li qed iġibulha l-inkwiet.
8 Iva, se jiġri eżatt bħal meta xi ħadd bil-ġuħ joħlom li qed jiekol,Imma jqum bil-ġuħ,U bħal meta xi ħadd bil-għatx joħlom li qed jixrob,Imma jqum għajjien u bil-għatx.
Hekk se jiġrilha l-folla tal-ġnus kollhaLi qed tiġġieled kontra l-Muntanja Sijon.
9 Għandkom tistagħġbu u tibliehu;Agħmu lilkom infuskom ħalli ma tarawx.
Il-mexxejja tagħkom fis-sakra, imma mhux bl-inbid;Huma qed jixxenglu, imma mhux bl-alkoħol.
10 Għax Ġeħova ġegħelkom torqdu fil-fond;Hu għalaq għajnejn il-profeti,U għatta ras il-viżjonarji.*
11 Għalikom kull viżjoni ssir bħall-kliem fi ktieb issiġillat. Meta jagħtuh lil xi ħadd li jaf jaqra, jgħidulu: “Aqra dan b’leħen għoli, jekk jogħġbok,” u hu jgħid: “Ma nistax, għax issiġillat.”
12 U meta jagħtu l-ktieb lil xi ħadd li ma jafx jaqra, jgħidulu: “Aqra dan, jekk jogħġbok,” u hu jgħid: “Ma nafx naqra.”
13 Ġeħova jgħid: “Dawn in-nies iqimuni b’dak li jgħiduU jfaħħruni bi kliemhom,Imma ma jħobbunix,U r-rispett* li għandhom lejja hu bbażat fuq dak li jgħidu n-nies.
14 Għalhekk, jien se nerġaʼ nagħmel affarijiet tal-għaġeb lil dawn in-nies,Xi ħaġa tal-għaġeb waħda wara oħra;U l-għerf taʼ dawn l-irġiel għorrief se jiġi fix-xejn,U l-abbiltà li jifhmu tal-irġiel għaqlin se tisparixxi.”
15 Ħażin għal dawk li jagħmlu minn kolloxBiex jaħbu l-pjanijiet* tagħhom minn Ġeħova.
Dak li għamlu jsir f’post mudlam,Waqt li jgħidu: “Min se jarana, min jaf bina?”
16 Kemm tafu tgħawġu l-affarijiet!*
Għandu min jagħmel il-fuħħar jitqies daqs it-tafal?
Jistaʼ oġġett jgħid dwar dak li għamlu:
“Int m’għamiltnix”?
U għandu dak li ġie fformat jgħid dwar dak li fformah:
“Dak ma jifhimx”?
17 Fi ftit żmien ieħor il-Libanu se jsir ġnien tas-siġar tal-frott,U dan il-ġnien se jitqies bħala foresta.
18 Dakinhar dawk li ma jisimgħux se jisimgħu l-kliem tal-ktieb,U dawk li ma jarawx se jaraw, għax se jkunu ħielsa mid-dlam u s-swidija.
19 Dawk umli se jifirħu ħafna b’Ġeħova,U l-foqra se jifirħu bil-Qaddis t’Iżrael.
20 Għax mhux se jkun hemm iktar tiranni,Mhux se jibqgħu jeżistu dawk li jiftaħru,U se jinqerdu dawk kollha li moħħhom biex jagħmlu l-ħsara:
21 Dawk li jakkużaw falz lil oħrajn,Dawk li jagħmlu n-nases lil min jiddefendi ruħu* f’bieb il-belt,U dawk li bl-argumenti bla sens tagħhom ma jagħmlux ġustizzja mal-ġusti.
22 Għalhekk, Ġeħova li feda* lil Abraham, jgħid lid-dar taʼ Ġakobb:
“Ġakobb mhux se jistħi iktar,U wiċċu mhux se jibqaʼ jidher iddiżappuntat.*
23 Għax meta jara lit-tfal tiegħu madwaru,Li huma xogħol idejja,Huma se jqaddsu lil ismi;Iva, huma se jqaddsu lill-Qaddis taʼ Ġakobb,U huma se juru rispett kbir lill-Alla t’Iżrael.
24 Dawk li jiżvijaw se jifhmu,U dawk li jgergru se jkunu lesti li jitgħallmu.”
Noti taʼ taħt
^ Jistaʼ jkun li jfisser il-post fejn isir il-ħruq fuq l-artal, milli jidher jirreferi għal Ġerusalemm.
^ Letteralment “tal-istranġieri.”
^ Jiġifieri dawk li jirċievu l-viżjonijiet.
^ Letteralment “il-biżaʼ.”
^ Jew “l-iskop.”
^ Jew “Kemm intom imħassrin.”
^ Letteralment “jikkoreġi.”
^ Ara Termini tal-Bibbja Spjegati, “Fidwa.”
^ Letteralment “wiċċu mhux se jisfar.”
