Isaija 45:1-25

  • Ċiru jintgħażel biex jirbaħ lil Babilonja (1-8)

  • It-tafal m’għandux jargumenta maʼ Dak li jagħmel il-fuħħar (9-13)

  • Popli oħra se jagħrfu l-poplu t’Iżrael (14-17)

  • Alla hu taʼ min jafdah fil-ħolqien u f’dak li jgħid minn qabel (18-25)

    • L-art ġiet maħluqa biex ikun hemm il-ħajja fiha (18)

45  Ġeħova qallu hekk lil Ċiru, il-wieħed li għażel,*Li qabdu minn idu l-leminijaBiex ikun jistaʼ jirbaħ il-popli quddiemu,Ineħħi l-armi tar-rejiet,*U jiftaħlu l-bibien li jintlewew fi tnejnĦalli lanqas il-bibien tal-belt ma jingħalqu:  2  “Jien immur qablek,U nwitti l-għoljiet. Il-bibien tar-ram inkissirhom,U l-istaneg tal-ħadid naqtagħhom.  3  Jien se nagħtik it-teżori li qegħdin fid-dlamU t-teżori moħbijin fil-postijiet sigrieti,Biex tkun taf li jien Ġeħova,L-Alla t’Iżrael, li qed ngħajjatlek b’ismek.  4  Jien qed ngħajjatlek b’ismekMinħabba l-qaddej tiegħi Ġakobb u l-magħżul tiegħi Iżrael. Għalkemm ma kontx tafni, ismek se jiġi onorat.  5  Jien Ġeħova, u m’hemmx ieħor. M’hemmx Alla ieħor ħliefi. Għalkemm ma kontx tafni, jien se nsaħħek*  6  Ħalli n-nies mil-Lvant sal-Punent*Ikunu jafu li m’hemmx ħliefi. Jien Ġeħova, u m’hemmx ieħor.  7  Jien nagħmel id-dawl u d-dlam,Inġib il-paċi u l-inkwiet;Jien, Ġeħova, qed nagħmel dawn l-affarijiet kollha.  8  Ħa tinżel il-ġustizzja mis-sema bħax-xita,U ħa tqattar mis-sħab. Bħalma l-art tipproduċi ħafna meta tagħmel ix-xita,Il-poplu tiegħi se jiġi salvat u jgawdi kundizzjonijiet ġusti. Jien, Ġeħova, għamiltu dan.”  9  Ħażin għal min jargumenta* maʼ Dak li Għamlu,*Għax hu sempliċi biċċa fuħħarFost biċċiet tal-fuħħar oħra li hemm mal-art! Għandu t-tafal jgħid lil Dak li jagħmel il-fuħħar:* “X’qed tagħmel?” Jew għandu x-xogħol jgħid lil min qed jagħmlu: “Int bla jdejn”?* 10  Ħażin għal min jgħid lil missier: “Taʼ min se ssir missier?” U lil mara: “X’se twelled?” 11  Ġeħova, il-Qaddis t’Iżrael, il-Wieħed li ħalqu, jgħid: “Tażżarda tistaqsini x’se jiġri? Se tikkmandani x’nagħmel bit-tfal tiegħi u b’dak li għamilt? 12  Jien għamilt id-dinja u ħlaqt il-bniedem fiha. Frixt is-sema b’idejja stess,U tajt kmandi lil kulma hemm fiha.” 13  Ġeħova tal-armati jgħid: “Peress li jien ġust, għażilt lil xi ħaddU se niddrittalu t-triqat tiegħu. Hu l-wieħed li se jibnili l-beltU se jeħles lill-eżiljati tiegħi b’xejn u mingħajr tixħim.” 14  Ġeħova jgħid: “Il-qligħ tal-Eġittu,* kulma jbigħ l-Etjopja,* u n-nies twal taʼ SebaSe jiġu għandek u jsiru tiegħek. Huma se jimxu warajk marbutin bil-ktajjen. Se jiġu għandek, imilu quddiemek, U b’rispett jgħidulek, ‘Alla żgur li qiegħed miegħek,U m’hemm ħadd iktar; m’hemmx Alla ieħor.’” 15  Alla t’Iżrael, Dak li Jsalva,Int Alla li mhux dejjem turi dak li qed tagħmel. 16  Huma se jiġu mġiegħla jistħu u jkunu umiljati;Dawk kollha li jagħmlu l-idoli se jitilqu ddiżonorati. 17  Imma Ġeħova se jsalva lilek, Iżrael, għal dejjem. Int qatt mhu se tiġi mġiegħel tistħi jew tiġi ddiżonorat. 18  Għax Ġeħova,Il-Ħallieq tas-sema, l-Alla l-veru,Il-Wieħed li fforma l-art, Dak li Għamilha u stabbilieha fis-sod,Li ma ħalaqhiex għalxejn,* imma biex ikun hemm il-ħajja fiha, jgħid: “Jien Ġeħova, u m’hemmx ieħor. 19  Jien ma tkellimtx f’post moħbi, f’art mudlama;M’għedtx lid-dixxendenti taʼ* Ġakobb,‘Fittxuni imma l-isforzi tagħkom se jkunu għalxejn.’ Jien Ġeħova, li ngħid dak li hu sewwa u veru. 20  Inġabru u ejjew. Ejjew intom li ħrabtu mill-popli. Dawk li jġorru magħhom l-istatwi minquxinU jitolbu lil alla li ma jistax isalvahom, ma jafu xejn. 21  Ġibu r-rapport tagħkom, ippreżentaw il-każ tagħkom. Ħa jikkonsultaw flimkien. Min qal dan minn ħafna qabelU semmieh minn żmien twil ilu? Mhux jien, Ġeħova? M’hemmx Alla ieħor;Alla ġust u Dak li Jsalva, m’hemmx ieħor ħliefi. 22  Nies kollha tal-art, duru lejja u tiġu salvati,Għax jien Alla, u m’hemmx ieħor. 23  Jien ħlift bija nnifsi;Dak li ngħid hu veruU se jirnexxi: Kulħadd se jmil quddiemi,Jaħlef li hu leali lejja, 24  U jgħid, ‘Ġeħova dejjem jagħmel dak li hu ġust u hu b’saħħtu. Dawk kollha rrabjati ħafna għalih se jiġu quddiemu u jistħu. 25  Permezz taʼ Ġeħova, id-dixxendenti t’IżraelSe juru li huma ġusti u se jiftaħru bih.’”

Noti taʼ taħt

^ Letteralment “dilek.” Ara Termini tal-Bibbja Spjegati, “Midluk.”
^ Letteralment “il-ħżiem minn maʼ ġenbejn ir-rejiet.”
^ Letteralment “inħażżmek sew.”
^ Jew “minn tlugħ sa nżul ix-xemx.”
^ Jew “iħaqqaqha.”
^ Jew “maʼ Dak li fformah.”
^ Jew “lil Dak li fformah.”
^ Jew forsi “Jew għandu t-tafal jgħid: ‘Dak li għamilt m’għandux minn fejn taqbdu’?”
^ Jew forsi “Dawk li jaħdmu l-Eġittu.”
^ Jew forsi “l-merkanti tal-Etjopja.”
^ Jew forsi “biex tkun vojta.”
^ Jew “lil dawk li jiġu minn.”