Isaias 29:1-24
29 “Makaluluoy ang Ariel,* ang banwa sang Ariel nga ginkampuhan ni David sadto!+
Ipadayon ini kada tuig;Padayon nga isaulog ang mga kapiestahan.+
2 Apang pabudlayan ko ang Ariel,+Kag magalalaw sia kag magapanalambiton,+Kag mangin kaangay sia sa akon sang dalabukan sang halaran sang Dios.+
3 Magakampo ako sa imo palibot,Kag likupan ko ikaw sang mataliwis nga mga kudalKag magahimo ako sing pamakod batok sa imo.+
4 Mapukan ka kag mahuy-an;Magahambal ka halin sa duta,Kag ang imo ginahambal daw indi mabatian bangod sa yab-ok.
Ang imo tingog daw halin sa duta+Kaangay sang tingog sang espiritista,Kag ang imo ginakutibkutib daw halin sa yab-ok.
5 Ang kadam-an sang imo mga kaaway* mangin kaangay sang mapino nga pulbos,+Kag ang kadam-an sang mga mapiguson mangin kaangay sang upa nga ginapalid sang hangin.+
Kag mahanabo ini sing hinali.+
6 Amligan ka ni Jehova sang mga kasuldadusanPaagi sa daguob kag linog kag paagi sa mabaskog nga gahod,Paagi sa unos kag bagyo kag paagi sa dabdab sang nagapanglamon nga kalayo.”+
7 Kag ang tanan nga pungsod nga nagapakig-away sa Ariel+—Ang tanan nga nagapakig-away sa iya,Ang mga torre nga ginagamit sa pagsalakay sa iya,Kag ang mga nagapabudlay sa iya—Mangin subong sang isa ka damgo, sang isa ka palanan-awon sa kagab-ihon.
8 Huo, kaangay ini sang isa nga ginagutom nga nagadamgo nga nagakaon,Apang nagbugtaw sia nga gutom,*Kag sang isa nga ginauhaw nga nagadamgo nga nagainom,Apang nagbugtaw nga kapoy kag ginauhaw.*
Amo ini ang mahanabo sa tanan nga pungsodNga nagapakig-away sa Bukid Sion.+
9 Maurungan kamo kag matingala;+Tabuni ninyo ang inyo mga mata agod indi kamo makakita.+
Nahubog sila, apang indi sa alak;Nagdulingduling sila, apang indi sa makahulubog nga ilimnon.
10 Kay ginpatulog kamo sing mahamuok ni Jehova;+Ginpapiyong niya ang mga mata sang mga manalagna,+Kag gintabunan ang ulo sang mga nagasugid sang palanan-awon.+
11 Para sa inyo ang tanan nga palanan-awon nangin kaangay sang mga sinulatan sa isa ka libro nga wala mabuksan,+ nga ginhatag nila sa isa nga makahibalo magbasa, kag ginsilingan sia: “Palihug, basaha ini sing matunog,” kag magasiling sia: “Indi ko ini mabasa kay wala ini mabuksan.”
12 Dayon ang libro ginhatag sa isa nga indi makahibalo magbasa, kag ginsilingan sia: “Palihug basaha ini sing matunog,” kag magasiling sia: “Indi ako makahibalo magbasa.”
13 Nagasiling si Jehova: “Ini nga katawhan nagpalapit sa akon paagi sa ila babaKag ginhimaya nila ako paagi sa ila bibig,+Apang ang ila tagipusuon malayo sa akon;Kag nahadlok lamang sila sa akon bangod sang sugo sang tawo nga gintudlo sa ila.+
14 Gani sa makatilingala nga paagi,+Magahimo ako liwat sing makatilingala nga butang sa sini nga katawhan,Madula ang kaalam sang ila maalamon nga mga tawo,Kag ang paghangop sang ila mainandamon nga mga tawo.”+
15 Makaluluoy ang mga nagatago sang ila plano* kay Jehova.+
Ang ila mga binuhatan ginahimo nila sa madulom nga duog,Samtang nagasiling sila: “Sin-o ang makakita sa amon?
Sin-o ang makahibalo sang amon ginhimo?”+
16 Ginapatiko ninyo ang mga butang!*
Kabigon bala ang maninihon subong sang daga?+
Makasiling bala ang ginhimo sa naghimo sa iya:
“Wala niya ako paghimua”?+
Kag makasiling bala ang ginbuhat sa nagbuhat sa iya:
“Wala sia sing paghangop”?+
17 Sa malip-ot nga tion ang Lebanon mangin katamnan sang mga kahoy nga nagapamunga,+Kag ang katamnan sang mga kahoy nga nagapamunga mangin kagulangan.+
18 Sa sina nga adlaw, ang mga bungol makabati sa ginabasa sa libro,Kag bisan sa kadulom makakita ang mga mata sang mga bulag.+
19 Ang mga mahagop magakalipay sing labi kay Jehova,Kag ang mga imol magakasadya sa Balaan sang Israel.+
20 Bangod madula na ang mapiguson,Ang bugalon madangat sa iya katapusan,Kag ang tanan nga alisto agod manghalit pagalaglagon,+
21 Ang mga nagahimo sa isa nga makasala sa iya pulong,Ang mga nagasiod sa nagapangapin* sa gawang sang siudad,+Kag ang mga wala nagahatag sang hustisya sa matarong paagi sa indi matuod nga panumbungon.+
22 Gani amo ini ang ginasiling ni Jehova nga nagluwas kay Abraham+ sa panimalay ni Jacob:
“Indi na mahuy-an si Jacob,Kag indi na magpalanglapsi ang iya nawong.*+
23 Kay kon makita ni Jacob sa palibot niya ang iya mga kabataan,Nga binuhatan sang akon mga kamot,+Pakabalaanon nila ang akon ngalan;Huo, pakabalaanon nila ang Balaan ni Jacob,Kag dayawon nila ang Dios sang Israel.+
24 Ang mga nakasala sa ila hunahuna makatigayon sing paghangop,Kag bisan ang mga nagakumod magabaton sing instruksion.”
Footnote
^ Mahimo nagakahulugan, “Ang Dabukan sang Halaran sang Dios,” mahimo nga nagapatuhoy sa Jerusalem.
^ Sa literal, “mga estranghero.”
^ Ukon “nga ang iya kalag wala sing unod.”
^ Ukon “kag ang iya kalag kigas.”
^ Ukon “laygay.”
^ Ukon “Malaut gid kamo!”
^ Sa literal, “sa isa nga nagasabdong.”
^ Tungod sa kahuya kag kapaslawan.
