Sofonia 3:1-20

  • Jerusalemi, qytet rebel dhe i pandershëm (1-7)

  • Gjykimi dhe rivendosja (8-20)

    • Një gjuhë e kulluar (9)

    • Një popull i përulur dhe i thjeshtë do të shpëtojë (12)

    • Jehovai do të ngazëllojë për Sionin (17)

3  Mjerë ti, o qytet rebel, i ndotur dhe shtypës!+   Nuk iu binde zërit që të foli,+ nuk e pranove disiplinën.*+ Nuk pate besim te Jehovai.+ Nuk iu afrove Perëndisë tënd.+   Princat e tu janë si luanë që ulërijnë.+ Gjykatësit e tu janë si ujqërit e natës;nuk lënë asnjë kockë për të brejtur gjer në mëngjes.   Profetët e tu janë të pacipë e të pabesë.+ Priftërinjtë e tu e ndotin atë që është e shenjtë;+e dhunojnë ligjin.+   Jehovai është i drejtë mes teje;+ nuk bën padrejtësi. Ai i shpall vendimet gjyqësore mëngjes për mëngjes,+si drita e agimit që kurrë nuk mungon. E megjithatë i padrejti nuk e di ç’është turpi.+   «Kombet i shfarosa. Kullat e tyre në qoshe të mureve u shkretuan. Rrugët e tyre i shkretova që askush të mos kalojë nëpër to. Qytetet e tyre u bënë rrënoja, pa asnjë njeri, pa asnjë banor.+   Unë i thashë: ‘Me siguri do të ma kesh frikën* dhe do ta pranosh disiplinën’,*+që ai* të mos shfarosej.+ Do t’i kërkoj llogari* për të gjitha këto. Por ata mezi pritnin të silleshin pandershmërisht.»+   Jehovai thotë: «Prandaj, më pritni,*+deri ditën kur të ngrihem për të plaçkitur,*sepse vendimi im gjyqësor është të mbledh kombet, të mbledh mbretëritë,që të derdh mbi to indinjatën time, gjithë zemërimin tim të zjarrtë,+sepse zjarri i zellit tim do të përpijë tërë tokën.+   Në atë kohë do t’ua ndryshoj gjuhën popujve në një gjuhë të kulluar,që të gjithë të thërrasin emrin e Jehovaitdhe t’i shërbejnë atij krah për krah.*+ 10  Që nga rajoni i lumenjve të Etiopisë,ata që më përgjërohen, pra, të shpërndarët e mi, do të më sjellin një dhuratë.+ 11  Atë ditë nuk do të turpëroheshpër të gjitha veprimet me të cilat u rebelove kundër meje,+sepse unë do të heq nga gjiri yt ata që mburren gjithë fodullëk,e ti nuk do të jesh më kurrë fodull në malin tim të shenjtë.+ 12  Do të lë në gjirin tënd një popull të përulur e të thjeshtë,+që do të gjejë strehë tek emri i Jehovait. 13  Ata që kanë mbetur nga Izraeli,+ s’do të bëjnë padrejtësi,+s’do të thonë gënjeshtra e në gojën e tyre s’do të gjendet gjuhë mashtruese;do të ushqehen* e do të pushojnë dhe askush s’do t’i trembë.»+ 14  Lësho britma të gëzuara, o bijë e Sionit! Brohorit triumfues, o Izrael!+ Gëzo e ngazëllo me gjithë zemër, o bijë e Jerusalemit!+ 15  Jehovai e hoqi gjykimin e tij kundër teje.+ Ai e largoi armikun tënd.+ Mbreti i Izraelit, Jehovai, është mes teje.+ Ti nuk do t’i frikësohesh më së keqes.+ 16  Atë ditë Jerusalemit do t’i thuhet: «Mos ki frikë, o Sion.+ Të mos të lëshojë zemra.* 17  Jehovai, Perëndia yt, është mes teje+dhe si i Fuqishëm do të të shpëtojë. Do të ngazëllojë për ty.+ Dashuria që ka për ty, do t’i sjellë kënaqësi.* Do të gëzojë për ty me britma lumturie. 18  Unë do t’i mbledh ata që u hidhëruan ngaqë nuk morën pjesë në festat e tua.+ Ata ndodheshin larg teje, sepse mbanin mbi vete poshtërimin.+ 19  Ja, në atë kohë, unë do të veproj kundër të gjithë atyre që të shtypin.+ Do ta shpëtoj atë që çalon+dhe do të mbledh ata që janë shpërndarë.+ Falë meje do të fitojnë lavdi dhe një emër*në tërë vendin ku u turpëruan. 20  Në atë kohë do t’ju kthej në vendin tuaj,po, do t’ju mbledh së bashku. Falë meje do të fitoni një emër* e lavdi+ mes gjithë popujve të dheutkur t’i kthej para syve tuaj robërit tuaj»,​—thotë Jehovai.+

Shënime në fund të faqes

Shih Fjalorthin, «Frika nga Perëndia».
Ose «ndreqjen».
Fjalë për fjalë «vendbanimi i tij».
Ose «Do ta ndëshkoj».
Ose «më pritni me durim».
Një mundësi tjetër «të ngrihem si dëshmitar».
Ose «ta adhurojnë në unitet».
Ose «do të kullotin».
Fjalë për fjalë «duart».
Ose «Nga dashuria që ka, ai do të qëndrojë i heshtur».
Ose «dhe famë».
Ose «famë».