Exodo 9:1-35

  • Komaliman salot: impatey na ayayep (1-7)

  • Komanem a salot: pelsa ed too tan ayep (8-12)

  • Komapiton salot: uran a kristal (13-35)

    • Nipanengneng ed Faraon so pakayari na Dios (16)

    • Niyabawag so ngaran nen Jehova (16)

9  Kanian inkuan nen Jehova ed si Moises: “La kad Faraon tan ibagam ed sikato, ‘Oniay inkuan nen Jehova a Dios na saray Hebreo: “Ibulos mo iray totook pian makapanlingkor ira ed siak.+  Balet no agmo ra ibulos tan siansian amperen mo ni ra,  ondapoy lima nen Jehova+ sumpad saray ayayep mo ed uma. Niwala so makapatey a salot+ ed saray kabayo, asno, kamelyo, baka, tan karnero.  Tan mangiyan si Jehova na pandumaan ed baetan na ayayep na Israel tan ayayep na Ehipto, tan anggapo ed saray kayarian na saray Israelita so ompatey.”’”+  Sakey ni, inggeter nen Jehova so aturon panaon, ya inkuan to: “Nabuas et gawaen iya nen Jehova ed sayan dalin.”  Tan ontan so ginawa nen Jehova diad tinmumbok ya agew, tan inaatey so amin a klase na ayayep na Ehipto,+ balet anggapoy anggan sakey ya inatey ed saray ayayep na Israel.  Sanen nantepet so Faraon, anggapoy anggan sakey ya inatey ed saray ayayep na Israel! Balet siansia nin anawet so puso na Faraon, tan agto imbulos iray totoo.+  Insan inkuan nen Jehova ed si Moises tan Aaron: “Mangakop kayoy dapol ed palbaan, tan isibwag itan nen Moises ed dagem diad arapan na Faraon.  Tan magmaliw itan a pinon dabok diad interon dalin na Ehipto, insan magmaliw itan a linmarag iran pelsa ed too tan ayep diad interon dalin na Ehipto.” 10  Kanian angala ray dapol ed palbaan tan inmalagey irad arapan na Faraon, tan insibwag itan nen Moises ed dagem, tan nagmaliw itan a linmarag iran pelsa ya ontutubo ed too tan ayep. 11  Ag-ayarian na saray managmahikon saserdote so onarap ed si Moises, lapud atuboan na pelsa iray managmahikon saserdote tan amin ya Ehipsio.+ 12  Balet inabuloyan nen Jehova ya onawet so puso na Faraon, tan agto ra dinengel, unong ya imbaga nen Jehova ed si Moises.+ 13  Insan inkuan nen Jehova ed si Moises: “Masakbay kan ombangon no kabuasan tan alagey kad arapan na Faraon, tan ibagam ed sikato, ‘Oniay inkuan nen Jehova a Dios na saray Hebreo: “Ibulos mo ray totook pian makapanlingkor irad siak. 14  Ta natan et idapok so amin a salot pian sakitan ko so pusom, saray lingkor mo, tan saray totoom, pian naamtaan mo ya anggapoy mipara ed siak diad interon dalin.+ 15  Ta inyunat ko la komon so limak pian sakitan ta ka tan saray totoom diad panamegley na makapatey a salot, tan naandi ka la komon diad dalin. 16  Balet impansiansia ta kan mabilay lapud saya: pian nipanengneng kod sika so pakayarik tan niyabawag so ngaran ko ed interon dalin.+ 17  Kasin siansia nin manpapaatagey ka ed saray totook diad agmo pangibulos ed sikara? 18  Nabuas ed onian oras et papelagen ko so makapataktakot ya uran a kristal, ya agnin balot agawa ed Ehipto ya anggad natan. 19  Kanian paisirom mo so amin ya ayayep mo tan amin a kayarian mo a walad uma. Balang too tan ayep a walad uma ya agniloob ed abung et ompatey sano nauranan ira na kristal.”’” 20  Saramay lingkor na Faraon a tinmakot ed salita nen Jehova et inloob dan tampol iray lingkor da tan ayayep da diad saray kaabungan, 21  balet saramay ag-angipapuso ed salita nen Jehova et pinaulyanan dad uma iray lingkor da tan ayayep da. 22  Inkuan natan nen Jehova ed si Moises: “Iyunat moy limam ed tawen, pian onuran na kristal diad interon dalin na Ehipto,+ diad too tan ayep tan ed amin a tanaman a walad uma diad dalin na Ehipto.”+ 23  Kanian inyunat nen Moises ed tawen so baston to, tan pinakarol nen Jehova tan pinauran to na kristal, tan pinmelag so apoy* diad dalin, tan nantultuloy ya amauran si Jehova na kristal diad dalin na Ehipto. 24  Inmuran na kristal ya atekepan na mandarlang ya apoy. Makmaksil itan; anggapo nin balot so agawan singa ontan diad dalin na Ehipto manlapu lad nagmaliw itan a nasyon.+ 25  Pinatey na uran a kristal so amin a walad uma diad interon dalin na Ehipto, manlapud too ya anggad ayep, tan dineral na satan so amin a tanaman tan amin a kiew diad uma.+ 26  Dia labat ed dalin na Gosen, a panaayaman na saray Israelita, so pasen ya anggapoy uran a kristal.+ 27  Kanian impatawag na Faraon si Moises tan Aaron tan inkuan tod sikara: “Nankasalanan ak natan. Si Jehova so matunong, tan siak tan saray totook so nalilingo. 28  Mikasi kayo ed si Jehova, pian ontunda lay karol tan uran a kristal. Insan ta kayo la ibulos, tan makaalis kayo la dia.” 29  Kanian inkuan nen Moises ed sikato: “Kapaway ko ed syudad et itagey ko iray limak ed arapan nen Jehova. Ontunda la so karol tan agla onuran na kristal, pian naamtaan mo a say dalin et kien nen Jehova.+ 30  Balet nipaakar ed sika tan saray lingkor mo, amtak lan agkayo nin siansia ontakot ed si Jehova a Dios.” 31  Natan et aderal so tanaman a lino tan sebada, ta aanien lad saman so sebada tan nanrosas la ray tanaman a lino. 32  Balet ag-aderal so trigo tan say espelta, ta itatanem iratan ed saginonor.* 33  Pinmaway natan si Moises ed syudad manlapud Faraon tan intagey to iray lima to ed arapan nen Jehova, tan tinmunda so karol tan uran a kristal tan agla inmuran ed dalin.+ 34  Sanen anengneng na Faraon a tinmunda lay uran a kristal tan say karol, sikatoy nankasalanan lamet tan pinaawet toy puso to,+ sikato tan saray lingkor to. 35  Tan siansia nin anawet so puso na Faraon, tan agto imbulos iray Israelita, unong ya imbaga nen Jehova ed panamegley nen Moises.+

Paimanod leksab

Nayarin manideskribe ed maksil a kirmat.
Odino “ta unor iratan ya itatanem.”