Ayub 18:1-21

  • Omongané Bildad sing keloro (1-21)

    • Hukuman kanggo wong sing dosa (5-20)

    • Nudhuh nèk Ayub ora kenal Gusti Allah (21)

18  Bildad+ wong Syuah kuwi njawab,   ”Nganti kapan kowé bakal ngomong kaya ngéné terus? Buktèkna nèk kowé pancèn paham, bar kuwi aku tak ngomong.   Ngapa kok kowé nganggep aku kaya kéwan+Lan nganggep aku bodho?   Nèk kowé nesu nganti nglarani awakmu dhéwé,Apa gunung watu bakal pindhah saka panggonanéLan bumi ora bakal dienggoni manèh kaya sing mbok karepké?   Lampuné wong jahat bakal dipatèni,Lan geniné ora bakal murub manèh.+   Ora bakal ana cahaya ing kémahé,Lan lampu sing ana ing kono bakal dipatèni.   Dhèwèké ora nduwé kekuwatan kanggo mlaku. Kabèh sing direncanakké marahi dhèwèké susah.+   Dhèwèké bakal mlaku ing jaring,Lan sikilé bakal kesangkut ing kono.   Sikilé bakal kena jerat,+Lan dhèwèké bakal kena perangkap. 10  Ana tali sing didhelikké ing njero lemah bèn isa njerat dhèwèké. Lan ana jerat sing didèlèhké ing dalan sing diliwati dhèwèké. 11  Kabèh nggawé dhèwèké wedi.+ Ing endi waé dhèwèké lunga, dhèwèké bakal terus ngrasa wedi. 12  Dhèwèké ora nduwé kekuwatan manèh,Lan uripé susah*+ merga kena bencana. 13  Kulité kebak bisul. Awaké kena penyakit sing parah banget.* 14  Dhèwèké disèrèt saka kémahé sing nyaman+Lan akhiré mati ngenes. 15  Wong liya bakal manggon ing kémahé,Lan omahé bakal diobong.*+ 16  Kaya wit, akaré bakal garing Lan cabang-cabangé bakal layu. 17  Wong-wong ing bumi bakal lali karo dhèwèké,Lan ora ana sing ngerti sapa sakjané dhèwèké.* 18  Dhèwèké kaya wong sing diusir saka panggonan sing padhang ing panggonan sing petengLan ora manggon manèh ing donya iki.* 19  Dhèwèké ora bakal nduwé anak putu ing antarané bangsané. Ora ana wong ing omahé sing bakal slamet. 20  Wektu dhèwèké kena bencana, wong-wong saka Kulon bakal kagètLan wong-wong saka Wétan bakal wedi banget. 21  Kuwi sing bakal kelakon karo wong sing jahat*Lan karo wong sing ora kenal Gusti Allah.”*

Katrangan Tambahan

Utawa ”Lan dhèwèké dadi pincang”.
Lit.: ”kena anak pertamané kematian”.
Utawa ”diobong nganggo belérang sing murub”.
Lit.: ”Lan dhèwèké ora bakal nduwé jeneng ing dalan”.
Maksudé, mati.
Lit.: ”karo kémahé wong jahat”.
Lit.: ”karo panggonané wong sing ora kenal Gusti Allah”.