Ayub 17:1-16
17 Aku wis ora nduwé kekuwatan manèh lan wis arep mati.
Wis ana kuburan sing disiapké kanggo aku.+
2 Wong-wong sing ngécé aku ana ing sekitarku.+
Aku kepeksa ndelok tumindaké wong-wong sing seneng mbrontak kuwi.
3 Gusti Allah, Njenengan kudu janji karo aku nèk bakal ndhukung aku.
Nèk dudu Njenengan, terus sapa sing isa nulungi aku?+
4 Njenengan nggawé wong-wong kuwi ora nduwé pemahaman.+
Kuwi sebabé Njenengan nggawé wong-wong kuwi ora isa menang.
5 Wong-wong kuwi ngomong karo kanca-kancané nèk arep mbagi-mbagi duwèké,Padahal anak-anaké ora isa ndelok jelas manèh merga ngelih* banget.
6 Gusti Allah wis nggawé bèn wong-wong padha ngécé aku,+Lan wong-wong kuwi ngidoni wajahku.+
7 Mripatku dadi ora isa ndelok jelas manèh merga aku sengsara banget.+
Awakku dadi kuru banget.
8 Wong sing bener nggumun wektu ndelok keadaanku.
Wong sing ora salah ora nyaman nèk ndelok wong sing jahat.*
9 Wong sing bener bakal terus tumindak bener,+Lan wong sing ora salah bakal saya kuwat.+
10 Ayo, teruské waé omonganmu,Merga kowé kabèh ora nduwé pengetahuan.+
11 Uripku ora suwé manèh.+
Rencanaku lan kepénginan sing ana ing njero atiku wis ora ana manèh.+
12 Kanca-kancaku ngomong nèk saiki wis awan, padahal isih bengi.
Wong-wong kuwi kandha nèk sedhéla manèh padhang, padahal sing tak delok mung peteng.
13 Aku arep ngentèni sedhéla manèh, lan Kuburan* bakal dadi omahku.+
Ing kono, aku bakal turu ing petengan.+
14 Lubang kuburan+ bakal tak sebut ’Bapakku’Lan sèt bakal tak sebut ’Ibuku lan adhiku wédok’.
15 Terus apa harapanku?+
Apa ana sing ngerti nèk aku isih nduwé harapan?
16 Wektu mati,* aku ora nduwé harapan manèh.
Aku bakal dadi debu.”+
Cathetan Ngisor
^ Utawa ”luwé”.
^ Utawa ”murtad”.
^ Utawa ”Syéol”. Deloken Daftar Istilah.
^ Utawa ”Wektu mudhun ing Kuburan”, utawa ”Syéol”. Deloken Daftar Istilah.
