Isaias 49:1-26

  • Ti aramiden ti adipen ni Jehova (1-12)

    • Silaw kadagiti nasion (6)

  • Liwliwa para iti Israel (13-26)

49  Denggendak, dakayo nga isla,Ken ipangagdak, dakayo a nasion iti adayo.+ Inayabannak ni Jehova sakbay pay a mayanakak.*+ Dinakamatna ti naganko idi addaak pay laeng iti tian ni inak.   Pinagbalinna ti ngiwatko a kas natadem nga espada;Inlemmengnak iti anniniwan ti imana.+ Pinagbalinnak a nasileng a pana;Inlemmengnak iti pagikargaan iti pana.   Kinunana kaniak: “Sika ti adipenko, O Israel,+Ipakitakto ti kinangayedko babaen kenka.”+   Ngem imbagak: “Awan serserbi ti panagbannogko. Inusarko ti pigsak iti banag a saan nga agpaypayso, awan serserbina. Ngem sigurado a ni Jehova ti mangukom kaniak,*Ken ti Diosko ti mangted iti tangdanko.”*+   Ket ita ni Jehova, Daydiay nangbukel kaniak iti tian tapno agbalin nga adipenna,Imbagana nga isublik kenkuana ni Jacob,Tapno maummong kenkuana ti Israel.+ Maipadayagakto iti imatang ni Jehova,Ket ti Diosko ti agbalinto a bilegko.   Ken imbagana: “Saan nga umanay nga adipenkaTapno maibangon dagiti tribu ni JacobKen maisubli dagidiay nakalasat iti Israel. Intedka met kas silaw dagiti nasion,+Tapno dumanon ti panangisalakanko kadagiti ungto ti daga.”+  Ni Jehova, a Manangsaka ti Israel, Daydiay Nasantuan,+ imbagana iti naumsi,*+ iti kagura ti nasion, iti adipen dagiti agtuturay: “Makitanto dagiti ari ket tumakderda,Ken agruknoyto dagiti prinsipeGapu ken Jehova, a matalek,+Daydiay Nasantuan ti Israel, a nangpili kenka.”+   Daytoy ti kinuna ni Jehova: “Sinungbatanka iti tiempo ti panangngaasi,*+Ken tinulonganka iti aldaw ti pannakaisalakan;+Sinalsalaknibanka tapno maitedka kas tulag para iti tattao,+Tapno maisubli ti daga iti dati a kasasaadna,Tapno matagikuada dagiti nalangalang a tawidda,+   Tapno maibaga kadagiti balud, ‘Rummuarkayo!’+ Ken kadagidiay adda iti kasipngetan,+ ‘Agpakitakayo!’ Mangandanto kadagiti igid ti dalan,Maipastordanto kadagiti kanayon a mapagnaan a dalan.* 10  Saandanto nga agbisin wenno mawaw,+Wenno a maparigatan iti makasinit a pudot ti init.+ Ta iwanwanto ida Daydiay maas-asian kadakuada,+Ket iturongna ida kadagiti ubbog ti danum.+ 11  Aramidekto a dalan ti amin a bantayko,Ken maipangatonto dagiti kalsadak.+ 12  Aggapunto dagitoy iti adayo,+Ken aggapuda iti amianan ken laud,Ken idiay Sinim.”+ 13  Agpukkawkayo iti rag-o, dakayo a langit, ken agragsakka, sika a daga.+ Agpukkaw koma iti ragsak dagiti bantay.+ Ta liniwliwa ni Jehova ti ilina,+Ken kinaasianna dagiti naparigatan a tattaona.+ 14  Ngem ibagbaga ti Sion: “Binaybay-annak ni Jehova,+ ken linipatnak ni Jehova.”+ 15  Malipatan aya ti ina ti agsussuso nga anaknaWenno saanna aya a kaasian ti anak a naggapu iti tianna? Uray no makalipat dagitoy nga inna, pulos a dikayto malipatan.+ 16  Inkitikitka kadagiti dakulapko. Kanayon nga adda iti sanguanak dagiti padermo. 17  Agdardaras nga agsubli dagiti annakmo. Panawannakanto dagiti nangrebba ken nangdadael kenka. 18  Kumitaka iti aglawlawmo. Aguummongda.+ Umayda kenka. “Ikarik,” kuna ti sibibiag a Dios a ni Jehova,“Ikawesmonto amin ida a kas kadagiti arkos,Ken ibadom ida a kas iti bado ti nobia. 19  Uray no nadadael ken napanawan dagiti lugarmo ken nagbalin a rebba ti dagam,+Nailetto dayta para kadagiti agnaed sadiay,+Ken adayonto+ dagidiay nangalun-on kenka.+ 20  Ibaganto dagiti inyanakmo bayat nga agledleddaangka,‘Nakail-ilet kaniak daytoy a lugar. Ikkannak iti pagyanak ditoy.’+ 21  Ibagamto iti pusom,‘Asino ti ama dagitoy nga ubbing a naited kaniak,Ta maysaak a babai nga awanan iti anak ken lupes,*Naipanaw ken naibalud? Asino ti nangpadakkel kadakuada?+ Maymaysak a nabati,+Isu a naggapgapuanda?’”+ 22  Daytoy ti kinuna ti Kangatuan* nga Apo Jehova: “Ilayatkonto ti imak kadagiti nasion,Ken ingatokto ti senialko* kadagiti tattao.+ Ubbaendanto ti annakmo a lallaki iti takiagda*Ken awitendanto ti annakmo a babbai iti abagada.+ 23  Bantayandakanto dagiti ari,+Ken aywanandakanto dagiti prinsesada. Agruknoydanto kenka+Ken dilpatanda ti tapok iti sakam,+Ket maammuamto a siak ni Jehova;Saanto a mabainan dagiti mangnamnama kaniak.”+ 24  Mabalin kadi a bawyen dagiti tiniliw ti nabileg a lalaki,Wenno maisalakan kadi dagiti tiniliw ti naulpit a tao? 25  Ngem daytoy ti imbaga ni Jehova: “Maalanto uray dagiti tiniliw ti nabileg a lalaki,+Ken maisalakanto dagidiay tiniliw ti naulpit a tao.+ Busorekto dagiti bumusor kenka,+Ken isalakankonto dagiti annakmo. 26  Pakanekto dagiti mangirurumen kenka iti bukodda a lasag,Ken mabartekdanto iti bukodda a dara, kas iti nasam-it nga arak. Ket maammuanto ti amin a tattao* a siak ni Jehova,+Ti Manangisalakan+ ken Manangsaka kenka,+Ti Mannakabalin a Dios ni Jacob.”+

Footnotes

Lit., “manipud iti aanakan.”
Wenno “ipaayannakto ni Jehova iti hustisia.”
Wenno “gunggonak.”
Wenno “naumsi ti kararuana.”
Wenno “naimbag a nakem.”
Wenno mabalin a, “kadagiti kalbo a turod.”
Saan nga agsikog.
Wenno “Soberano.”
Wenno “pagilasinan a postek.”
Lit., “barukongda.”
Lit., “amin a lasag.”