Isaias 17:1-14

  • Mensahe maibusor iti Damasco (1-11)

  • Tubngaren ni Jehova dagiti nasion (12-14)

17  Ti mensahe maibusor iti Damasco:+ “Saanton a siudad ti Damasco,Agbalinto a bunton ti rebba.+   Mapanawanto dagiti siudad ti Aroer;+Agbalindanto a pagaponan dagiti animalKet awanto ti pagbutnganda.   Awanton dagiti napaderan a siudad iti Efraim,+Ken ti pagarian iti Damasco;+Ken dagiti natda iti SiriaAgbalindanto a kas iti dayag dagiti Israelita,”* kinuna ni Jehova a panguluen dagiti armada.   “Iti dayta nga aldaw, makissayanto ti dayag ni Jacob,Ket kumuttongto ti nasalun-at a bagina.*   Mayarigto dayta iti pannakaani dagiti binukel iti talonKen iti pananggapas ti agan-ani kadagiti dawa ti binukel,Kas no agadas ti maysa a tao kadagiti binukel iti Tanap* ti Refaim.+   Dagiti laeng maadas ti mabati,Kas no maburas ti bunga ti kayo nga olibo: Dua wenno tallo laeng a naluom nga olibo ti mabati iti murdong ti sangana,Uppat wenno lima laeng ti mabati iti agbungbunga a sangana,”+ kinuna ni Jehova a Dios ti Israel.  Iti dayta nga aldaw, tumangadto ti tao iti Nangaramid kenkuana, ket kumitanto iti Daydiay Nasantuan ti Israel.  Saanto a kumita kadagiti altar+ nga inaramid ti imana,+ ken dinanto kitaen dagiti inaramid ti ramayna, dagiti sagrado a poste* wenno altar ti insienso.   Iti dayta nga aldaw, dagiti siudad a pagkamanganna ket agbalinto a kas iti napanawan a disso iti kakaykaywan,+Kas iti sanga a napanawan iti sanguanan dagiti Israelita;Agbalinto a langalang a disso. 10  Ta linipatmo ti Dios+ a nangisalakan kenka;Saanmo a linagip ti Dakkel a Bato+ a pagkamangam. Isu nga agmulaka iti napipintas* a mulaNga iyabaymo iti saringit ti maysa nga estranghero.* 11  Aladam a naimbag dagiti mulam iti aldaw,Pagtubuem ti bin-im iti bigat,Ngem awanto ti maapitmo inton nakaro ti sakit ken panagpaut-otmo.+ 12  Denggem! Kumaribuso ti adu nga ili,Kas iti nadawel a baybay! Naariwawa dagiti nasion,Kas iti uni ti dadakkel a dalluyon! 13  Ti uni dagiti nasion ket kas iti adu a dalluyon. Tubngarennanto ida, ket agtalawdanto,Mayangindanto a kas iti taep iti bambantay,Kas iti siitan a mula nga irikrikus ti angin ti bagyo. 14  Adda didigra iti rabii,Awanen dagiti kabusor sakbay ti agsapa. Kastoy ti pagbanagan dagiti mangraut Ken mangala iti sanikuatayo.

Footnotes

Lit., “annak ni Israel.”
Lit., “ti taba ti lasagna.”
Wenno “Kapatagan.”
Kitaem ti Glosario.
Wenno “makaay-ayo.”
Wenno “sabali a dios.”