Isaias 29:1-24

  • Kaasi pay ti Ariel! (1-16)

    • Nakondenar ti panagdayaw babaen laeng iti bibig (13)

  • Makangngegto ti tuleng; ken makakitanto ti bulsek (17-24)

29  “Kaasi pay ti Ariel,* ti Ariel, ti siudad a nagkampuan ni David!+ Agtultuloy a lumabas ti tawen;Agtultuloy koma dagiti tinawen a piesta.+   Pagparikutekto ti Ariel,+Ket addanto ladingit ken leddaang,+Ken agbalinto dayta kaniak a pagpuoran ti altar ti Dios.+   Agkampoakto iti amin a sikigam,Ket palikmutankanto iti natirad nga aladKen buntonakto ti aglawlawmo.+   Maipababakanto;Agsaokanto manipud iti daga,Ket saanto a maawatan ti ibagam gapu iti tapok. Aggapunto ti timekmo iti daga+Kas iti timek ti espiritista,Ken dagiti saom ket kasla uni manipud iti tapok.   Dagiti kabusormo* kasladanto napino a pulbos,+Dagiti naulpit kasladanto iti maitaytayab a taep.+ Apagdarikmat ken alistonto a mapasamak dayta.+   Isalakannakanto ni Jehova a panguluen dagiti armadaBabaen ti gurruod ken ginggined ken ariwawa,Babaen ti napigsa nga angin ken bagyo ken gil-ayab ti mangibus nga apuy.”+   Ti armada ti amin a nasion a makigubgubat iti Ariel,+—Amin a makigubgubat kenkuana,Dagiti torre a naipalawlaw kenkuanaKen dagidiay mangparparigat kenkuana—Agbalindanto a kasla tagtagainep, sirmata iti rabii.   Wen, kaslanto iti mabisin nga agtagtagainep a mangmangan,Ngem agriing a mabisin,*Ken kas iti mawaw nga agtagtagainep nga umin-inum,Ngem agriing a nabannog ken mawaw.* Kastanto ti mapasamak iti armada ti amin a nasionA makigubgubat iti Bantay Sion.+   Makigtot ken masdaawkayo;+Bulsekenyo ti bagiyo ket mabulsekkayo.+ Nabartekda, ngem saan nga iti arak;Agibar-ibarda, ngem saan nga iti naingel nga inumen. 10  Ta pinaturognakayo ni Jehova iti nairut;+Pinagkidemna dagiti matayo, dagiti propeta,+Ken inabbonganna dagiti uloyo, dagiti managsirmata.+ 11  Para kadakayo, ti tunggal sirmata ket kas iti sasao iti libro a naselioan.+ No itedda iti maysa a makabasa, ket ibagada: “Pangngaasim ta pigsaam a basaen daytoy,” isungbatna: “Saanko a mabasa, ta naselioan.” 12  No itedda ti libro iti maysa a saan a makabasa, ket ibagada: “Pangngaasim ta basaem daytoy,” isungbatna: “Diak makabasa.” 13  Imbaga ni Jehova: “Kuna dagitoy a tattao nga umasidegda kaniak,Ken daydayawendak iti bibigda,+Ngem adayo kaniak ti pusoda;Ken agbutengda laeng kaniak gapu kadagiti bilin ti tao a naisuro kadakuada.+ 14  Gapuna, siak Daydiay mangaramidto manen iti nakaskasdaaw a bambanag kadagitoy a tattao,+Iti agsasaruno a nakaskasdaaw a bambanag;Ket mapukawto ti sirib dagiti masirib a tattaoda,Ken mailemmengto ti pannakaawat ti nalaing a tattaoda.”+ 15  Kaasi pay dagidiay mangikagumaan a mangilemmeng kadagiti planoda* ken Jehova.+ Ar-aramidenda dagiti planoda iti nasipnget a lugar,Nga ibagbagada: “Asino ti makakita kadatayo? Asino ti makaammo iti ar-aramidentayo?”+ 16  Anian a panangkilloyo iti bambanag!* Agpada kadi ti agdamdamili ken ti pila?+ Ibaga kadi ti banag a naaramid iti nangaramid kenkuana: “Saannak nga inaramid”?+ Ken ibaga kadi ti banag a naporma iti nangporma kenkuana: “Awan ti ammom”?+ 17  Din agbayag, agbalinton ti Lebanon kas hardin,+Ket ti hardin maibilangto a kabakiran.+ 18  Iti dayta nga aldaw, mangngegto dagiti tuleng ti sasao iti libro,Ken makakitanto dagiti bulsek uray no nakuyem ken nasipnget.+ 19  Napalalonto ti panagragsak dagiti naemma gapu ken Jehova,Ken agrag-onto dagiti napanglaw gapu iti Daydiay Nasantuan ti Israel,+ 20  Ta awanton ti naulpit,Agpatingganton ti napangas,Ken madadaelton ti amin nga agur-uray a mangdangran,+ 21  Dagidiay mamagbasol iti sabsabali babaen ti ulbod a sao,A mangsilo iti paraidepensa* nga adda iti ruangan ti siudad,+Ken dagidiay mangipaidam iti hustisia iti nalinteg babaen ti ulbod nga argumento.+ 22  Gapuna, daytoy ti kinuna ni Jehova, a nangsubbot ken Abraham,+ iti sangakabbalayan ni Jacob: “Saanton a maibabain ni Jacob,Ken saanto metten a bumsag ti rupana.*+ 23  Ta inton makitana dagiti annakna,Nga aramid ti imak, iti tengngana,+Idaydayawdanto ti naganko;Wen, idaydayawdanto Daydiay Nasantuan ti Jacob,Ket raemendanto ti Dios ti Israel.+ 24  Maaddaanto iti pannakaawat dagidiay nasukir,Ken agpaisuronto dagidiay agreklamo.”

Footnotes

Mabalin a kaipapananna, “Pagpuoran ti Altar ti Dios,” nalabit tumukoy iti Jerusalem.
Lit., “estranghero.”
Lit., “nga awan nagyan ti kararuana.”
Lit., “namagaan ti kararuana.”
Wenno “balakadda.”
Wenno “Anian a kinadakesyo!”
Lit., “mangtubtubngar.”
Kayatna a sawen, gapu iti bain ken pannakapaay.