Isaias 12:1-6

  • Kanta ti panagyaman (1-6)

    • ‘Ni Jah Jehova ti pigsak’ (2)

12  Sigurado nga ibagamto iti dayta nga aldaw: “Agyamanak, O Jehova,Ta uray nakapungtotka kaniak,In-inut a bimmaaw ti pungtotmo, ket liniwliwanak.+   Adtoy! Ti Dios ti mangisalakan kaniak.+ Agtalekakto ken diak agbuteng;+Ta ni Jah* Jehova ti pigsa ken bilegko,Ken isu ti mangisalakan kaniak.”+   Maragsakankayto a sumakdo iti danumKadagiti ubbog a mangyeg iti pannakaisalakan.+   Kunaenyonto iti dayta nga aldaw: “Agyamankayo ken Jehova, umawagkayo iti naganna,Ipakaammoyo dagiti aramidna kadagiti tattao!+ Ideklarayo a naitan-ok ti naganna.+   Agkantakayo iti panangidaydayaw* ken Jehova,+ ta nakaskasdaaw dagiti inaramidna.+ Maipakaammo koma daytoy iti intero a daga.   Umkis ken agpukkawka iti rag-o, sika nga agnanaed* iti Sion,Ta Daydiay Nasantuan ti Israel ket naindaklan iti tengngayo.”

Footnotes

Ti “Jah” ket napaababa a porma ti nagan a Jehova.
Wenno “Agputarkayo iti musika.”
Natukoy kas maysa a babai ti intero a populasion.