Isaias 44:1-28

  • Dagiti bendision ti ili a pinili ti Dios (1-5)

  • Ni laeng Jehova ti Dios (6-8)

  • Awan serserbi dagiti idolo nga aramid ti tao (9-20)

  • Ni Jehova, ti Mangsaka iti Israel (21-23)

  • Pannakaisubli babaen ken Ciro (24-28)

44  “Ita, dumngegka, O Jacob nga adipenko,Ken sika, O Israel, a pinilik.+   Daytoy ti kinuna ni Jehova,Ti Nangaramid ken Nangporma kenka,+A tumultulong kenka manipud pay iti tian:* ‘Dika agbuteng, adipenko a Jacob,+Ken sika, Jesurun,*+ a pinilik.   Ta ikkakto iti danum daydiay mawaw*+Ken pagayusek ti danum iti namaga a disso. Ibukbokkonto ti espirituk iti annakmo*+Ken ti bendisionko kadagiti kaputotam.   Agtubodanto a kas iti berde a ruot,+Kas kadagiti alamo iti igid dagiti pagayusan ti danum.   Ibaganto ti maysa: “Kukuanak ni Jehova.”+ Awaganto met ti sabali ti bagina iti nagan ni Jacob,Ken addanto met mangisurat iti imana: “Kukuanak ni Jehova.” Ket iyawagnanto iti bagina ti nagan ti Israel.’   Daytoy ti kinuna ni Jehova,Ti Ari ti Israel+ ken ti Manangsaka kenkuana,+ ni Jehova a panguluen dagiti armada: ‘Siak ti umuna ken siak ti maudi,+ Awan ti Dios no di siak.+   Asino ti kas kaniak?+ Agsao ken ibagana koma ket paneknekanna kaniak!+ Sipud idi pinataudko dagiti nagkauna a tattao,Ibagada koma ti bambanag nga umayKen ti mapasamak.   Dikay agamak,Ken dikay agpigerger iti buteng.+ Saan kadi nga impakpakaunak ken imbagak dayta iti tunggal maysa kadakayo? Dakayo dagiti saksik.+ Adda kadi Dios malaksid kaniak? Awan, awan ti sabali a Dakkel a Bato;+ awan ti ammok.’”   Awan serserbi ti amin nga agaramid iti kinitikitan nga imahen,Ken awan ti maitulong dagiti banag nga ipatpategda.+ Kas saksida, awan ti makitada* ken awan ti ammoda,+Isu a maibabainto dagidiay nangaramid kadagita.+ 10  Asino ti mangporma iti maysa a dios wenno metal nga imahen*Nga awan ti maitulongna?+ 11  Maibabainto amin a kakaduana!+ Dagiti eksperto a trabahador ket tao laeng. Aguummongda koma amin ken agtakderda. Mabutengdanto ken maibabainda. 12  Usaren ti mammanday ti alikamenna a mangpapudot iti landok iti rabaw ti beggang. Pitpitenna dayta iti martilio,Babaen ti napigsa nga imana.+ Kalpasanna, agbisin ket kumapsut;Saan nga uminum iti danum ket mabannog. 13  Iyunnat ti managkitikit iti kayo ti pagrukodna, ken iyugedna ti disenio babaen ti nalabaga a tisa. Kitikitanna dayta babaen ti paet ken pasurotanna babaen ti kompas. Aramidenna dayta a kasla tao,+Kas kapintas ti tao,Tapno maikabil iti balay.*+ 14  Adda maysa a parapukan iti sedro. Mangpili iti kayo, maysa a roble,Bay-anna a dumakkel iti tengnga dagiti kayo ti kabakiran.+ Agmula iti kayo a laurel, ket padakkelen dayta ti tudo. 15  Kalpasanna, pagsungrod dayta ti tao. Usarenna a paginudo ti dadduma a pasetna;Mangpasged iti apuy ket agluto iti tinapay. Ngem mangporma met iti dios a pagdayawanna. Aramidenna dayta a kinitikitan nga imahen, sa pagruknoyanna.+ 16  Puoranna ti kagudua dayta;Dayta ti pangtunona iti karne a kanenna ket mapnek. Aginudo met sa ibagana: “Napudotanak bayat a buybuyaek ti apuy.” 17  Ngem ti nabati ket aramidenna a dios, maysa a kinitikitan nga imahen. Agruknoy ken pagdayawanna dayta. Ikararagna iti dayta: “Isalakannak, ta sika ti diosko.”+ 18  Awan ti ammoda, awan ti maawatanda,+Gapu ta narikpan ti matada ken saanda a makakita,Ken saan a makatarus ti pusoda. 19  Awan ti makapanunot Wenno makaammo wenno makatarus, a mangibaga:“Pinuorak ti kagudua,Ket pinaglutok iti tinapay ken pinagtunok iti karne ti beggangna. Rumbeng ngata nga aramidek ti nabati kas makarimon a banag?+ Rumbeng kadi a dayawek ti maysa a pedaso ti kayo?”* 20  Isu ket mangmangan iti dapo. Inyaw-awan ti bukodna a puso. Dina maisalakan ti bagina,* ken dina met maibaga: “Adda aya kinaulbod iti kannawan nga imak?” 21  “Laglagipem dagitoy a banag, O Jacob, ken sika, O Israel,Ta sika ti adipenko. Pinormaka, ken sika ti adipenko.+ O Israel, saankanto a lipaten.+ 22  Punasekto dagiti biddutmo a kasla maabbongan iti ulep,+Ken dagiti basolmo a kasla maabbongan iti napuskol nga ulep. Agsublika kaniak, ta sakaenkanto.+ 23  Agpukkawkayo a siraragsak, dakayo a langit,Ta nagtignayen ni Jehova! Agriawkayo gapu iti ragsak, dakayo a kaunegan a paset ti daga! Agpukkawkayo gapu iti rag-o, dakayo a bantay,+Dakayo a kabakiran, ken amin a kayoyo! Ta sinaka ni Jehova ti Jacob,Ken impakitana ti kinangayedna iti Israel.”+ 24  Daytoy ti kinuna ni Jehova, a Manangsaka kenka,+A nangporma kenka manipud iti tian: “Siak ni Jehova, a nangaramid iti amin. Inyunnatko a sisiak ti langit,+Ken inyaplagko ti daga.+ Asino idi ti kaduak? 25  Paayek ti pagilasinan dagiti agsasao iti awan kaes-eskanna,*Siak Daydiay mamagtignay kadagiti mammuyon a kasla agmauyong;+Daydiay mangriribuk kadagiti masiribKen mamagbalin a maag ti pannakaammoda;+ 26  Daydiay mangtungpal iti sao ti adipenna,Ken naan-anay a mangibanag iti padto dagiti mensaherona;+Daydiay nangibaga maipapan iti Jerusalem, ‘Mapagnaedanto manen,’+ Ken maipapan kadagiti siudad ti Juda, ‘Maibangondanto manen,+Ket tarimaanekto dagiti rebbana’;+ 27  Daydiay nangibaga iti adalem a danum, ‘Agalingasawka,Ket pagmagaekto ti amin a karayanmo’;+ 28  Daydiay nangibaga maipapan ken Ciro,+ ‘Isu ti dinutokak a pastor,Ket naan-anayto nga itungpalna ti amin a pagayatak’;+Daydiay nangibaga maipapan iti Jerusalem, ‘Maibangonto manen,’ Ken maipapan iti templo, ‘Maisaadto ti pundasionmo.’”+

Footnotes

Wenno “manipud pannakayanakmo.”
Kaipapananna, “Daydiay Nalinteg,” nadayaw a titulo para iti Israel.
Wenno “ti natikag a daga.”
Lit., “bin-im.”
Kayatna a sawen, dagiti imahen.
Wenno “sinukog nga estatua.”
Wenno “templo.”
Wenno “nagango a kayo.”
Wenno “kararuana.”
Wenno “dagiti ulbod a propeta.”